Твит предизвика жестока дебата во Србија – дали жените без деца се дискриминирани за сметка на оние со деца?

Детали

четврток, 13 октомври 2022

„Така е, јас секогаш ја работам нивната работа поради градинка, училиште, бременост, болно дете и слично“, „Не зборувајте глупости! Бидете вие сами со дете кое е болно, да ти скратуваат на плата, а ти едноставно немаш кој да ти го чува“ се дел од коментарите на оваа тема. 

На Твитер се разгоре дебата откако една Србинка на својот профил напиша:

„Во фирмите жените без деца се дискириминирани во однос на жените со деца и тоа е така.“

U firmama su žene bez dece diskriminisane u odnosu na žene sa decom, i to je tako

— Nestrpljiva (@Nestrpljiva2) October 10, 2022

Дел од коментарите се:

„Ужас, ужас... Жените со деца си ги бираат смените според децата, па јас треба да се приспособувам на тоа, на жените со деца се делат пакетчиња, на жените без деца – ништо, отвораат боледување поради децата, а јас не смеам да отворам поради родителите итн.“

„На овој твит мора да додадам дека за немањето деца секогаш ме дискриминирале/понижувале/посочувале токму жени.“

„Жените со деца имаат поголема веројатност дека треба да трчаат дома порано или да земаат слободни денови за да бидат со болните деца и верувајте ми, тоа не е воопшто забавно, сите ние сакаме да си работиме на раат, знаејќи дека децата ни се добро.“

„Точно. Жените со деца можат и подоцна да дојдат на работа и порано да излезат и да си прават комбинации за одмор кога на нив им одговара, а за другите што ќе остане.“

„Жените без деца работат и за жените со деца.“

„Така е, јас секогаш ја работам нивната работа поради градинка, училиште, бременост, болно дете и слично.“

„Не зборувајте глупости! Бидете вие сами со дете кое е болно, да ти скратуваат на плата, а ти едноставно немаш кој да ти го чува.“

„Емпатијата за мајките ви е нула, немате никакво разбирање.“

Што мислите вие на оваа тема?

С. С. | Црнобело