Запознајте ја најмладата и најубава пилотка во Босна и Херцеговина (фото)

Детали

понеделник, 26 септември 2022

„Периодот на обука воопшто не беше лесен. Станувавме уште во 5 часот наутро и ги туркавме авионите од хангарот на пистата...“, раскажува Марија Новиќ (18) од Босна и Херцеговина.

Марија Новиќ од Босна и Херцеговина има само 18 години, а веќе има поминато обука за пилот и умее да управува сама со авион.

На само 17 години почнала со обука за летање и по само еден лет сфатила дека летањето е нејзината љубов и дека пилотската кабина е нејзината иднина.

Таа е прогласена за најмлада пилотка во историјата на Босна и Херцеговина.

„Практична настава учев во Суботица, а од 7 луѓе кои бевме на обуката, само јас бев девојка.

Периодот на обука воопшто не беше лесен. Станувавме уште во 5 часот наутро и ги туркавме авионите од хангарот на пистата, па моравме да полниме гориво, да ги проверуваме временските услови и низа други обврски.

Мојот инструктор во мене брзо ја препозна способноста за летање, а наскоро имав прв самостоен лет и станав фаворит во класата. Трите месеци летен одмор практично живеев на аеродром и секојдневно летав. Учевме и што да правиме во случај на дефект и како да се приземјиме.

Полагањето за лиценца го имав на 17 години, па официјално во Босна и Херцеговина станав најмлад пилот за приватни авиони со меѓународна дозвола.“

Марија вели дека планира да продолжи со летање и наредно желба ѝ е да се запише на обука во Унгарија за да може да вози комерцијални летови, односно да управува со големи, патнички авиони.

Исто така, ќе се запише на Воздухопловна академија, насока контрола на летање.

Сон ѝ е еден ден да работи како пилот на комерцијални летови.

Запознајте на оваа прекрасна млада пилотка:

https://www.instagram.com/p/CS90R4uDR0Y/

https://www.instagram.com/p/CTVH1FzjKmN/

https://www.instagram.com/p/CTDIJ7sDYN4/

https://www.instagram.com/p/Cia1X8LDkU-/

https://www.instagram.com/p/Ch5XevljEbp/

https://www.instagram.com/p/ChxUa0yjXa9/

https://www.instagram.com/p/CgzpFQbjMcQ/

https://www.instagram.com/p/CgcdHVbDmhB/

https://www.instagram.com/p/CcgTrrOj-NI/

С. С. | Црнобело