Популарниот српски актер Никола Ѓуричко глуми во 4-тата сезона на хит-серијата Stranger Things на Нетфликс
- Детали
- сабота, 04 јуни 2022
Го паметиме како фудбалската ѕвезда „Кенгур“ во комедијата „Kad porastem biću Kengur“ и „суптилниот суфлер“ во првиот дел на Зона Замфирова. Никола Ѓуричко (47) е еден од најпопуларните и најомилени српски актери.
Сите кои со нетрпение ја очекуваа 4-тата сезона од хит-серијата Stranger Things на Нетфликс, пријатно се изненадија кога го видоа ликот на актерот на екраните.
Ѓуричко го глуми Јури, руски шверцер кој е вистински анти-херој, но улогата ја оживува со многу хумор и харизма, и покрај тоа што неговото поведение не е за пофалба.
Според реакциите на гледачите, но и критичарите, сите имаат одлични коментари за неговата изведба.
Четвртата сезона е поделена на два дела – првиот дел веќе ја доживеа својата премиера на Нетфликс и брои 7 епизоди, додека вториот дел ќе продолжи на 1 јули. Најавена е и петта, и воедно последна сезона на Stranger Things.
https://www.instagram.com/p/CUSoAfUptxP/
Ѓуричко за првпат го имаше своето деби во блокбастер филм од англиско говорно подрачје во 2012 година во „World War Z“, со Бред Пит во главната улога.
Актерот уште на почетокот на 2020 изјави дека добил улоги во хит-серија, но не смеел да споделува премногу детали со обожавателите.
Доколку сè уште не сте ја погледнале новата сезона на Stranger Things, топло ви ја препорачуваме, а изведбата на Ѓуричко како Јури пријатно ќе ве изненади.
(О)Милена | Црнобело
Би можело да ве интересира:
Препорачуваме
Најчитани неделава
