Мие раце во Ерусалим, на сцена фрла пешкири во публика – Зошто сите ја обожаваат Констракта, која е хит на твитер? (фото+видео)

Детали

петок, 08 април 2022

Патувањето на Констракта во Израел привлече големо внимание. Таа си ги изми рацете пред Ѕидот на плачот во Ерусалим, а фрлаше пешкири во полната сала која едногласно пееше: „Бити здрава, бити здрава...“

Откако ја освои балканската публика со заразниот ритам на песната In corpore sano, српската пејачка Ана Ѓуриќ - Констракта се претстави и во Израел во рамки на фестивалот Israel Callling.

И во Израел, слично како и во Белград, Констракта настапи со нејзините веќе препознатливи реквизити, крпи за бришење, сапун за раце, леген, а исто така фрлаше пешкири и во публиката.

Што се однесува до стајлингот, Констракта овојпат белиот мантил го замени за црвен фустан со бели патики и високи чорапи, а од чантата извади сапун и гласно кажа на англиски: „Имам сапун“.

She's so iconic help#Eurovision #IsraelCalling #konstrakta pic.twitter.com/nBUuulJF9B

— Ulises 💚🤍💚 (@sunset_ulises) April 8, 2022

Присутните на глас ја пееја песната што Констракта ја пееше на српски јазик, а тоа може да се види и од видеата што се споделуваат на Твитер.

https://twitter.com/andjelajokovic/status/1512218495769010179

Дополнително, нејзиното патување повторно стана хит на социјалните мрежи. Таа претходно сподели фотографија на Инстаграм во бањарка до која напиша: „Подготвена за прес“.

Исто така и нејзиното видео на кое се гледа како ги мие рацете пред да го посети Ѕидот на плачот во Ерусалим почна да се споделува масовно на Твитер.

„Треба да направиме фан профил со тоа како ги мие рацете низ целиот свет“ – стои во еден коментар на Твитер.

There needs to be a fan account containing only videos of Konstrakta washing hands all over the world https://t.co/katWA9ddIf

— Andrea (@serious_glitter) April 6, 2022

„Сигурно ги земала пешкирите од пералната во хотелот“ - стои во друг коментар.

Konstrakta sneaking in her israeli hotel’s laundy room to get these towels 😭 pic.twitter.com/DS9ZSlTwGL

— Kyle Vro (@JYPETWIlICE) April 8, 2022

„Мора да си купи ново столче во секој град каде што ќе настапува“

ok but konstrakta has to buy a chair in every city she performs in 😭😭😭 pic.twitter.com/eLZBXn6ydh

— sтevan ⚕️🧼 (@ImStevan) April 5, 2022

Погледнете го настапот на Констракта во Израел:

https://www.youtube.com/watch?v=FCQ79Y1Y7QU

Б. С. Б. | Црнобело