Глумат лути ривалки со Милица Павловиќ во серија, омажена е за актер од САД – Која е српската актерка Јеле Мур?

Јелена и Стивен во Лос Анџелес основаа своја придукциска куќа и заради тоа сега многу повеќе време поминуваат во САД.  Во минатото, парот живееше живот во куфери.

По пандемијата, парот поминуваше по неколку месеци во САД, па потоа уште неколку месеци во Србија.

Јелена е мошне посветена актерка, па во една пригода откри дека имала инцидент на снимањето на серијата „Дара из Јасеновца“. Актерката, без да биде свесна дека станува збор за сериозна повреда, снимила сцена со скршена нога.

„Продолжив со снимањето и покрај повредата. Дури откако го снимав кадарот, ме однесоа на болница на рентген. Тоа беше миг на невнимание, сега е зад нас“ – појасни Јелена.

Во интервјуата што Јелена ги давала за јавноста, забележително е дека не ѝ е сеедно кога ќе слушне дека Милица Павловиќ ја има главната улога во серијата „Певачица“.

„Главната улога е Емилија, којашто ми е доверена мене, и во двете сезони. Милица Павловиќ имаше голема улога во првата сезона, а Милица Тодоровиќ е ѕвезда гостин. Соработката со двете беше фантастична“ – рече Јелена во една пригода.

Освен што глуми во Србија, Јелена, во САД, заедно со сопругот работела на снимањето на серијата The Ark.

Погледнете дел од фотографиите на Јеле:

Б. С. Б. | Црнобело