Има југословенско потекло, во Скопје бил казнет за брзо возење – Факти за актерот од серијата „Балканска приказна“
- Детали
- вторник, 20 февруари 2024
„Возев со брзина од 83km/h, а дозволената брзина е 50km/h. Ме фатија на радар, ме застанаа и ми напишаа казна. Откако платив, ми рекоа дека морам да одам во полициска станица и дека потоа мора да се јавам и на суд“ – актерот од турската серија „Балканска приказна“ своевремено ги сподели своите впечатоци од Скопје, а откри и што не му се допаднало.
Турскиот актер Емре Беј во моментов е мошне актуелен кај македонската публика заради улогата во турската серија „Балканска приказна“ која се снимаше во Скопје, а во неколку наврати за турските медиуми тој откри повеќе детали за себе, но и за тоа кои се неговите впечатоци од периодот додека работеше во нашиот главен град.
Емре Беј е роден во Истанбул во 1997-ма година, а вели дека заради презимето што на турски значи „господин“ често имал проблеми. Во една пригода рече дека често се случувало луѓето да мислат дека тој им се претставува како „Господин Емре“, а не како Емре Беј.
Сепак, приказната за неговото презиме, тој ја појаснува со југословенското потекло. Како што вели, татко му од Југославија дошол во Турција, во Бурса, каде ја сретнал мајка му и стапиле во брак.
По ова се преселиле во Истанбул, а презимето Беговиќ го замениле со турското Беј.
Како дете тренирал фудбал и сакал еден ден да стане познат фудбалер, но тој сон не му се остварил.
Вели дека нагло се здебелил откако престанал да игра фудбал, а потоа успеал да ослабе за време на средното образование.
Емре ја започнал актерската кариера уште во 2015-та година додека бил средношколец. Како што вели, сосема случајно една пријателка на сестра му го натерала да се пријави во Агенција за модели и актери, по што тој набрзо ја добил првата улога во ТВ-серија.
По ова, Емре почнал да посетува приватни часови по глума, а додека студирал медиуми и комуникации, снимил уште една серија во Турција. Сепак, заради работните ангажмани, морал да се откаже од образованието.
Најголемата слава ќе ја стекне токму со серијата „Балканска приказна“, каде за првпат доби главна улога.
Тој вели дека не му пречело тоа што серијата се снимала во Македонија и дека на тоа гледал како можност за напредување во кариерата.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_110513_400.jpg)
![](https://www.crnobelo.com/media/com_jvrelatives/images/thumbs/com_content_106770_400.jpg)
![](https://www.crnobelo.com/media/com_jvrelatives/images/thumbs/com_content_104751_400.jpg)
![](https://www.crnobelo.com/media/com_jvrelatives/images/thumbs/com_content_106326_400.jpg)
![](https://www.crnobelo.com/media/com_jvrelatives/images/thumbs/com_content_110095_400.jpg)
![](https://www.crnobelo.com/media/com_jvrelatives/images/thumbs/com_content_111007_400.jpg)