Светска премиера на Opel на IAA 2019: Новата Аstra, новата Corsa, Corsa-e, Corsa-e Rally и Grandland X Plug-In Hybrid

Риселхајм / Франкфурт. Со своите светски премиери на годинашниот меѓународен автомобилски саем IAA во Франкфурт, Opel демонстрира дека автомобилската иднина е богата со разновидност.

IAA е местото каде што новите: Opel Corsa, Grandland X Hybrid и новата Opel Astra ќе дебитираат - совршено прилагодени на потребите на клиентите. Новата Opel Corsa не е достапна само како ефикасна, класична верзија со моторот со внатрешно согорување, туку за прв пат исто така и како целосно електрична Corsa-e - со чисто електричен опсег до 330 километри според WLTP. Opel го претставува и првиот електричен рели-автомобил за мотор-спортови за клиенти - Corsa-e Rally.

Друга светска премиера на штандот на Opel Д31 во сала 11.0 е новиот Grandland X Hybrid4 со погон на сите тркала. Хибридoт ја комбинира моќта на 1.6-турбо-бензински мотор и два електрични мотори за излезна моќност до 300 КС. Прелиминарната потрошувачка на гориво според WLTP (пондерирана, комбинирана) е 1,4-1,3 л/100 км. со 32-29 г/км CO2 (NEDC: 1,5 л/100 км., 35-34 г/км CO2).

Следниот дебитант во групата е новата Opel Astra. Со својата извонредна аеродинамика, комплетно нова генерација на мотори и ново развиените менувачи, Opel Astra поставува стандарди во однос на ефикасноста и ниските емисии. Споредено со претходникот, емисиите на СО2 се намалуваат за 21 % (Astra со пет врати со 1.2 мотор со директно вбризгување Турбо, 96 kW / 130 КС), потрошувачка на гориво NEDC: урбана 5,3-5,2 л/100 км., екстра-урбана 3,9-3,8 л/100 км, комбинирано 4,4-4,3 л / 100 км, 101-99 г/км СО2). Ова ја става новата Astra на врвот на компактната класа - и ја прави најефикасна Astra на сите времиња.

На крајот, но не и најмалку важно, новата Opel Zafira Life го има својот прв настап пред германската саемска публика во Франкфурт. Дваесет години откако започна успехот со првата генерација во 1999 година, приказната сега продолжува со новоразвиен модел од четврта генерација: Zafira Life доаѓа во нова димензија - во три должини на возилото, многу разновидна со простор за најмногу девет лица и со врвни системи за удобност и помош.

„На IAA ние во Opel ќе покажеме како иднината на автомобилот ќе стане реалност“, рече вели Мајкл Лохшелер, Извршниот директор на Opel. „Се фокусираме на клиентот и нивните потреби. Ние го нудиме целото портфолио на погонот - од електричен и хибриден погон, до ефикасни мотори со внатрешно согорување. Сите нови модели се опремени со најсовремени технологии и веќе се достапни за нарачка“.

Мали автомобили од следната генерација: Opel Corsa, Corsa-e и Corsa-e Rally

Помодернa, динамичнa и поефикаснa од кога било досега, шестата генерација на Opel Corsa е без сомнение една од ѕвездите на годинешното шоу во Франкфурт. Доаѓа со особено економични бензински и дизелски мотори со моќност од 55kW (75 КС) до 96kW (130 КС) (потрошувачка на гориво NEDC4: урбана 5,5-3,7 л / 100 км, екстра-урбана 4,4-2,9 л/100 км, комбинирано 4,7 -3,2 л/100 км. 106-85 г/км CO2; WLTP комбинирано: 6,2-4,0 л/100 км, 140-105 г/км CO2). Новиот модел на бестселер е достапен и за прв пат како чисто електрично возило Corsa-e со батерија од 50kWh, излезна моќност од 100kW (136 КС) и опсег до 330 километри (WLTP1). Умерена потрошувачка на гориво и погон за стартување се карактеристични за сите опции на моторите, а вредностите на емисија достигнуваат сè до нула кога возите Corsa-e.

Вкупниот спортски впечаток се совпаѓа со намалената тежина - најлесната Corsa дури и ја има ознаката илјада килограми - и ниска позиција за седење на возачот. Активната и пасивната безбедност се исто така на високо ниво, а инженерите на Opel фино ги наместија шасијата и управувачот. Во новата Corsa, Opel нуди технологии и системи за помош кои клиентите инаку ги знаат само од повисоките класи на возила. Вистински белег се адаптивните,  IntelliLux LED® матрикс светла, што Opel ги прави достапни за прв пат на широк опсег кај малите автомобили. Другите иновации на Corsa вклучуваат Flank Guard, контролиран со сензори, камера со панорамски ретровизор од 180 степени и автоматски асистент за паркирање, како и системи како што се предупредување за преден судир со автоматско сопирање при итни случаи и детектирање на пешаците, интелигентен круз контрол и Lane Keep Assist.

Возачите и патниците на Corsa се добро поврзани и се забавуваат со новиот спектар на инфозабавни системи што се состојат од Multimedia Radio, Multimedia Navi со 7,0-инчен екран на допир во боја и врвниот Multimedia Navi Pro со 10 инчен екран на допир во боја, па до целосно дигитализираниот кокпит во Corsa-е. Покрај тоа, Corsa исто така нуди опционална нова услуга „OpelConnect“ со навигација во живо, директна врска до помош за дефект, итен повик и многу други функции.

Со Corsa-e Rally, Opel е првиот производител на автомобили во светот што нуди батериско електрично возило за спортскиот за спортско натпреварување. Во 2020 година, Opel и ADAC ќе го започнат ADAC Opel e-Rally Cup, првиот брендиран куп за електрични автомобили во светот, што ќе го насочи патот напред кон моторниот спорт далеку над границите на Германија.

Opel Grandland X Hybrid4: се подига завесата за првиот хибрид на Opel

Покрај новата Corsa-e, следниот модел во електричната офанзива на Opel е Grandland X со најнапредна хибридна технологија и погон на сите тркала. Погонскиот систем на Grandland X Hybrid4 вклучува WLTP сертифициран мотор о 147kW (200 КС) 1.6-литарски бензински турбо-полнач со директно вбризгување. Покрај тоа, постои електричен погонски систем со два електрични мотори 80kW (109 КС) и литиум-јонска батерија од 13,2 kWh. Предниот електричен мотор е споен со електрифициран осумстепен автоматски менувач. Вториот електричен мотор, инверторот и диференцијалот се интегрирани во електричната задна оска за да се обезбеди влечење на сите тркала според потребите.

Grandland X Hybrid4 ќе понуди четири режими на возење - електричен, хибриден, AWD и Sport. На пример, изборот на хибриден режим му дозволува на автомобилот автоматски да го избере својот најефикасен метод на погон, со можност за преминување на електричен режим за возење со нулта емисија при пристигнување во центарот на градот - му овозможува на автомобилот да мине до 59 километри во чисто електричен режим со нула емисија во циклус на WLTP2 (67-69 км според NEDC3). Sport режимот овозможува подинамично возење со комбинирање на моќноста на моторот и електричниот мотор. Избирање на режимот AWD ја активира електрифицираната задна оска за максимално влечење на сите видови патишта. Со цел да се подобри ефикасноста, Grandland X Hybrid4 има регенеративен систем за сопирање за да ја врати енергијата произведена при сопирање или забавување.

До 21% помалку СО2: најефикасна Opel Astra досега

Со целосно нова генерација на мотори и менувачи, Opel Astra поставува стандарди за ниски емисии. Ултра модерните трицилиндрични бензински и дизел мотори на Astra обезбедуваат енергични перформанси при возење и врвна удобност со оптимално намалување на бучавата. Контра ротирачката рамнотежа на вратилото во блокот на моторот ги неутрализира вибрациите. Со излезна моќност што се протега од 77kW (105 КС) до 107kW (145 КС) и максимален вртежен момент од 195 до 300 Њутнметри, постигнуваат одличен баланс помеѓу перформансите и ефикасноста (потрошувачка на гориво NEDC4: урбана 6,3-3,9 л/100 км, екстра-урбана 4,3-3,1 л/100 км, комбинирано 5,1-3,4 л/100 км, 116-90 г/км CO2; WLTP5 комбинирано: 6.1-4.3, 141-112 г/км CO2; прелиминарни бројки). Основните мотори имаат шестстепен мануелен менувач како стандард. Новиот непрекинат автоматски менувач и автоматското менување на девет брзини, исто така, придонесуваат за помала потрошувачка и голема удобност.

Astra го предводи и патот во однос на аеродинамиката. Со коефициент на отпор на воздухот од 0,26 за хечбекот на Astra како и караванскиот Sport Tourer, новиот компактен Opel е најефикаснata Astra досега и еден од наjaеродинамичните автомобили во својата класа. Севкупно, аеродинамичката оптимизација на новата Astra заштедува 4,5 g. CO2 на километар во WLTP циклусот.

Новата Astra е подеднакво примерна во однос на комфорот, помошта и инфозабавните системи. Портфолиото се движи од помоќна предна камера и дигитална задна камера до безжично полнење на телефоните и загревање на шофершајбната. Новата Astra се претвора во концертна сала со опционален аудио систем на Bose.

Повеќенаменско комбе во врвна форма: новата Opel Zafira Life

Веќе 20 години, атрактивните, флексибилни и практични комбиња се нарекуваат Zafira. Ова кредо продолжува на IAA 2019 со Opel Zafira Life. Четвртата генерација на модели е достапна во три должини: 4,60 м. - „Мал“, 4,95 м. - „среден“  и „Голем“ од 5,30 м. и секое од нив има до девет места. Повеќето верзии на пространото комбе се со висина помала од 1,90 метри и затоа можат да пристапат до типичните подземни гаражи - важни за употреба како хотелски шатл, но и за приватни возачи кои сакаат да го паркираат својот автомобил насекаде без ограничувања.

Новото комбе има и мал круг на вртење, добро ракување и опционално две лизгачки врати контролирани од сензорите што се отвораат електрично со движење на стапалото - комфорна карактеристика уникатна во овој сегмент од пазарот. Во внатрешноста, „S“ верзијата на Zafira Life  веќе нуди до 3.600 литри волумен во багажниот простор, што може да се зголеми до максимум 4.900 литри во „L“ верзијата. Покрај тоа, конфигурациите со осум кожни седишта дополнително ја зголемуваат удобноста. И за врв, луксузната варијанта „Lounge“ е достапна со подвижна маса, многу простор за нозете и широки седишта со ширина од 48 см. во задниот дел.

Zafira Life ги исполнува сите барања - од разновиден ентериер, голема удобност и софистицирани системи за асистенција на возачот, до најсовремена инфозабава, хедап дисплеј, камера и радарска автоматска контрола на брзината, како и електронска контрола на тракцијата. Напредната технологија е поврзана со одличен изглед, избалансирани пропорции, кратки преклопувања и типичен изглед на Opel. Возачот и патниците, исто така, имаат корист од дводелниот панорамски стаклен покрив и позорецот што се отвара во задната врата како опција.