Борис Чапанов: „Чувам африкански твор, навистина мириса малку, но е многу весело и чувствително животно“

Детали

недела, 02 октомври 2022

„Творовите во принцип се диви животни и имаат специфичен мирис за на некој начин да се бранат од предаторот, но човекот ги има припитомено и научено на живот сличен на мачка. Едноставно кога ги сакаш, маните не ги гледаш. Мици има две години, а ја чувам од два месеци...“, раскажува Борис Чапанов (21) од Струмица за CRNOBELO.com.

Борис Чапанов (21), студент на Земјоделски факултет од Струмица има уникатно милениче. Тој чува африкански твор, кој го носи името Мици.

За неговиот миленик, Борис открива за CRNOBELO.com:

Како се одлучи да чуваш африкански твор како домашен миленик? Колку години го чуваш?

Отсекогаш сум сакал да чувам африкански твор, но немав можност и време.

Пред две години ми се пружи прилика да ја земам Мици и да станеме неразделни пријатели.

Твор нè потсетува на непријатен мирис, мириса ли овој миленик?

Творовите во принцип се диви животни и имаат специфичен мирис за на некој начин да се бранат од предаторот, но човекот ги има припитомено и научено на живот сличен на мачка.

Едноставно кога ги сакаш, маните не ги гледаш.

Имаше ли некој член од семејството кој првенствено беше против?

Не можам да се пожалам, моите родители се секогаш спремни да ги прифатат моите одлуки, за што сум бескрајно благодарен.

Како реагираат луѓето на твојот миленик?

Кога ја шетаме Мици, има поделени мислења од луѓето. Некои приоѓаат и ја галат, се распрашуваат околу неа. Додека пак други само поминуваат и ја игнорираат.

Какви услови се потребни за да чуваш африкански твор? (Какви навики имаат, кога спијат, како им изгледа секојдневието?)

Ова се многу интелигентни, чувствителни и весели мали животни, кои сакаат да се гушкаат и се приврзани за личноста која се грижи за нив.

Сепак, тие не се идеални миленичиња за мали деца, ниту се препорачуваат, бидејќи сакаат да гризат, па играњето со децата нема да заврши без солзи.

Тие не се глодари, туку повеќе наликуваат на мачки и се смета дека се припитомени уште во древниот Египет.

Со нив треба да се постапува нежно и внимателно, без нагли движења.

Овие животни се карактеризираат со издолжено и еластично тело, мали уши и бушава опашка. Како и карактеристичната боја, која може да биде различна од вид до вид.

африканските творови се строго територијални животни, тие живеат главно осамен живот, а денот најчесто го поминуваат во засолниште.

Активни се рано навечер и во текот на целата нож. Тие се добри пливачи и нуркачи и живеат во дупки што ги копаат или се движат во дупки за зајаци.

Продолжува на следната страна...