„Не сте инфлуенсери, невработени сте“ - Кој е Македонецот што со своите написи на картон стана вирален хит?

Детали

петок, 21 август 2020

„Врчак врати се“, „Менталитетот нѐ е*е“, „Колку и да тресете, последната капка знаете кај иде“, се само дел од забавните написи на Инстаграм профилот @Bombakis, зад кој стои Кристијан Станковски.

Поинаков, уникатен и забавен... Кристијан Станковски за кусо време стана вирален хит со своите забавни написи на картон и на неговиот Инстаграм профил @Bombakis веќе има над 10.000 следбеници.

Од шеги на општествени теми до забавни комбинации со познатите како Тамара Тодевска, Игор Џамбазов, Миа Костова, фотките на Кристијан дефинитивно се освежување на социјалните мрежи.

Кристијан Станковски, вели дека сите го знаат како Бомба, има 29 години и живее и твори во населба Аеродром.

Тој за CRNOBELO.com открива како дошол на идејата за написите на картон:

„Работев во една фирма, но поради состојбата со вирусот останав без работа како и повеќето луѓе. Основав своја фирма која се занимава со организација на свадби и секаков вид на прослави која наскоро ќе ја промовирам на мојот Инстаграм профил.

Во меѓувреме имав доста слободно време и сакав некако да го исполнам. Инспириран од dudewithsign и bratsakartonom и со поддршка на еден мој другар од кого ми се неколку одлични идеи меѓу кои и првата, решив да направам еден картон кај што ќе пишува „Не сте инфлуенсери, невработени сте“ и ја ставив сликата на мојот профил и од таму тргна целата работа.

Идеите за пораките доаѓаат од секојдневните муабети или пак некои работи што сите ги знаеме ама не сакаме или се срамиме јавно да ги кажеме, него си се вртат во круг меѓу најблиските.

Луѓе како луѓе, повеќето ме поддржуваат но има и од оние кои пишуваат негативни работи колку и добро ти да правиш. Ама ако такви луѓе требаат и без нив не може да се успее. Затоа им посакувам сѐ најдобро на сите и имам порака дека здравјето е најважно, затоа луѓе мои чувајте си го здравјето.“

Дел од креативните дела на Кристијан:

Продолжува на следната страна...