Марија од Охрид изработува декорации со полимерна глина: „Најчесто добивам нарачки за детски родендени, шолјите ми се омилени“
- Детали
- понеделник, 22 јули 2024
„Првото нешто што го направив беше бележник за книги, па потоа продолжив со декорација на шолји, чинии, брошови, обетки и слично“, открива Марија Дичова Наумоска од Охрид за нејзините мали ремек-дела.
Марија Дичова Наумоска од Охрид е дипломиран вајар на Факултетот за ликовни уметности во Скопје.
Неколку години работела со дигитална илустрација и 2Д анимација, а сега изработува релјефни декорации со полимерна глина.
Вели, желбата да создава нешто со раце и да моделира, ја инспирирала да се фокусира на изработки кои се мали уметнички дела, но се и практични.
Талентираната Марија, користејќи полимерна глина, изработува декорации за шолји, чинии, брошови…
За процесот на работа и инспирацијата, но и интересот на јавноста за вакви изработки, Марија открива повеќе во разговор со CRNOBELO:
Од каде идејата за изработките?
Идејата ја имав подолго време, мојата ќерка веќе беше 1 година, а јас без работни ангажмани после породување, и во самиот период се покажа дека е време да ја реализирам мојата желба.
Со полимерна глина се запознав додека бев на факултет, имавме обиди за правење накит со другари, ама некако идејата брзо згасна.
Со оглед на тоа дека сум вајар, имав силна желба да работам нешто во таа насока, нешто што се создава со раце, моделирање, а да може да се искористи во секојдневниот живот.
Првото нешто што го направив беше бележник за книги, па потоа продолжив со декорација на шолји, чинии, брошови, обетки и слично.
Дали сама ги изработуваш дизајните, со свои идеи, или по желба на купувачите? Што најчесто бараат луѓето?
Идеите некако сами си доаѓаат, некои согласно со периодот од годината, некои лично мои, а изработувам и по нарачка.
Најчесто нарачките се за детски родендени со омилен карактер од цртаните, омилен херој и слично.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_111106_400.jpg)
![](https://www.crnobelo.com/media/com_jvrelatives/images/thumbs/com_content_109834_400.jpg)
![](https://www.crnobelo.com/media/com_jvrelatives/images/thumbs/com_content_105767_400.jpg)
![](https://www.crnobelo.com/media/com_jvrelatives/images/thumbs/com_content_110293_400.jpg)
![](https://www.crnobelo.com/media/com_jvrelatives/images/thumbs/com_content_107321_400.jpg)
![](https://www.crnobelo.com/media/com_jvrelatives/images/thumbs/com_content_108149_400.jpg)