Црна венчаница, зурли од Галичник: Мартин и Катерина направија уникатна свадба во Сули ан во Скопје (фото)

Детали

петок, 01 септември 2023

„Бидејќи сум архитект по професија, а и романтична душа, со Катерина едногласно се согласивме дека ќе правиме свадба комплетно во наша организација и на уникатно место. Па, така шетајки се по Старата скопска чаршија наидовме на Факултетот за ликовни уметности во Сули Ан и оттука почна сѐ“, раскажува Мартин Лазаревски од Скопје за CRNOBELO.com, а споделува и како на уникатен начин ја запросил саканата во црква во Дојран.

Мартин Лазаревски од Скопје со својата сакана Катерина направи нековенционална свадба во Сули ан во Скопје.

Сули ан е сместен во внатрешноста на Старата скопска чаршија. Во него, денес се сместени Музејот на Старата скопска чаршија и Ликовната академија.

На свадбата невестата носеше бела, но и црна венчаница, а потоа гостите се почестија со црна торта и се забавуваа на одлична музичка програма, надополнета со зурли од Галичник.

За деталите од свадбата, како и за нивната љубовна приказна Мартин споделува за CRNOBELO.com:

„Љубовта со Катерина се роди пред сè со моите симпатии кон нејзе, откако случајно наидов на неа на социјална мрежа пред речиси две години.

Иако двајцата сме по карактер доста специфични (како и секој од нас нели, но ние сме особено специфични, мора да кажам) по долгите разговори сфативме од сам старт дека спојката на нас двајца е навистина она: „Ќе ти се појави човекот еден ден!“

И ете се појави!

Па, така по недолго размислување и толкување на работите, знаевме дека сме еден за друг.

Минатата година околу септември ми се јави вујко ми од Америка кој ми кажа: „Сине, доаѓам на кратко во Македонија, те молам организирај сите да ги видам на ручек и притоа не кажувај на никого дека доаѓам“.

Мене тука ми се роди идејата за сѐ што ќе се случува, па така на 29.10.2022 организирав „тајна“ просидба во Црковниот Храм Свети Илија во Дојран (тоа е местото каде што првпат отидовме со Катерина заедно на викенд), па и симболиката ми беше таа дека зборот пред Бога е најсилен во амбиентот на самата црква, но и што архитектот на црквата е од Папрадиште, велешко, од каде што потекнува мојата сопруга.

Па, така организирав во тајност од сите до последен ден за некој да не ме издаде и притоа беше изненадување за сите, но најмногу за Катерина.

Таа мислеше дека оди на туѓа свадба, сѐ додека не влезе во црквата и сфати за што станува збор.

Продолжува на следната страница...