Светлана Црнокрак ни ги откри тајните за убавина: „Имам чувствително лице, ретко јадам чоколадо и постојано вежбам“

Каква ти е дневната рутина за нега на лицето и телото? Колку се смени таа низ годините?

Бидејќи имам многу чувствителна кожа, особено на лицето, низ годините доста внимавам што користам.

Хигиената и темелното чистење на лицето ми е најважно и колку да ми се спие и каде и да сум, задолжително го правам тој ритуал.

Преку ден користам серум кој содржи хијалурон, а потоа крем за хидратација на кожата со заштитен фактор.

Навечер задолжително чистење и хранлива ноќна крема богата со пептиди.

Особено внимавам на декоративната козметика, бидејќи секојдневно и многу често ја користам, секогаш бирам да е квалитетна и соодветна на мојата кожа.

Колку внимаваш на исхраната? Постои ли храна од која се лишуваш поради изгледот, иако ја обожаваш? Кое ти е омилено јадење и дали им го готвиш дома?

Кога и да ме прашаат на оваа тема, секогаш велам дека во животот повеќе сум гладна отколку сита.

Од кога паметам за себе јас постојано сум под некои диети, режим на исхрана.

Имам бавен метаболизам и доколку не сум физички активна буквално сè се фаќа на мене.

Се трудам на внимавам, а најважно од сè е да не гладувам, туку да се хранам здраво.

А тоа подразбира многу свежо овошје и зеленчук, не мешам разни видови на храна, јадам протеини и јаглехридати во комбинација со свежа салата. Така и буквално готвам дома.

Што се однесува до мојата омилена храна, обожавам риба и морски плодови, а богами не можам да им одолеам и на тестенините.

Знам понекогаш и 3 коцки чоколадо да си каснам.

Секогаш кога ќе се опуштам со храна дали на некоја прослава, свадба или празници, задолжително потоа следува неколкудневна детоксикација на организмот.

Дали вежбаш? Имаш ли фитнес рутина од која не отстапуваш?

Во секој дел од годината сум физички активна. На лето пливам, возам велосипед, а на зима скијам.

Порано одев и на фитнес, но сега некако велосипедот ми стана мој најверен пријател.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело