Николина од Гостивар живее во Австрија: „Тука е преубаво, но ми недостига нашата храна и да излезам со пријателите без да закажувам термин“

А каква е локалната кујна? Кој е најпознатиот специјалитет? Дали ти е по вкус или не го јадеш?

Овде имаат ептен чуден вкус за храна, барем за мене, па не ги јадам нивните специјалитети освен благо кое го нарекуваат Kaiserschmarrn – едноставен рецепт кој потсетува на пандишпан.

Традиционално јадење им е шницла со варен компир и со мармалад како сос.

Од пијалаци најмногу се пие пиво. Го има насекаде и дури е доста поевтино отколку кај нас.

Кога ќе ти дојдат гости од Македонија, каде ги шеташ?

За жал, моето друштво воопшто не е дојдено тука, иако постојано ги викам на гости.

Но, кога ќе ми дојдат колеги или пријатели од странство, најчесто ги шетам во околните места кои се блиску до мојот град.

Во Линц најпозната знаменитост и туристичкото место е Постлингберг – рид на чиј врв има црква и од таму се гледа целиот град.

Блиску до мојот град е селото Халштат, кое е многу познато и секогаш полно со туристи. Ова место е бајковито и сакам да одам таму.

Како го поминуваш слободното време, што сакаш да правиш кога не правиш ништо? Што ти е хоби?

Најчесто за викенд гледам да отпатувам на друго место. Оваа година цел ми е да ја посетам барем половина Австрија.

Јавниот превоз тука е многу добро организиран и лесно достапен за сите.

Многу е евтино да се патува, па затоа сакам да го искористам тоа и да сум надвор од градот за викенди.

А преку работната недела често спортувам, одам на танцување, јога, играм тенис…

Тука има многу јавни спортски објекти кои се лесно достапни. Преку зима најчесто одам на лизгалиште или скијам.

Австрија е позната по преубавата природа, па преку лето често сум на планина.

Во земјата има доста национални паркови кои се волшебни. Ми се допаѓа што секоја планинска рута е јасно обележана, а шансите да се изгубиш се мали. Исто така е доста безбедно и чисто на секое место.

Едно од најубавите планински места што сум ги посетила досега е Großglockner – највисокиот врв во Австрија каде што се наоѓа и еден од најстарите глечери кој се топи и кој за неколку години нема да постои глобалната промена на климата.

Ти недостига ли Македонија? Колку често се враќаш дома?

Нормално ми недостига Македонија, сепак тоа е мојата родна земја. Таму имам доста пријатели и убави спомени кои ме врзуваат за неа.

Но, скоро 2 години ја немам посетено, па сакам да одам следната години.

А и на моите пријатели од Австрија им раскажувам за нашата земја и тие се заинтересирани да ја посетат и да ја видат нашата убава природа и да ја пробаат највкусната храна на светот.

Што македонско најмногу ти недостига кога не си тука?

Најмногу ми недостига храната.

Буквално сè од нашата храна ми фали, но и моите пријатели и дружењето без закажување термин.

Нашиот гостопримлив народ каде и да е, секогаш е позитивен и гостопримлив.

Повеќе фотографии на следната страница...