8 едноставни трикови со кои ќе фрлате помалку овошје и зеленчук

Ако имате пресечен домат, немојте да го фрлате, туку завиткајте го во најлонска фолија и ставете го во фрижидер. Како јаболкото да не потемни? Како да го складирате лукот?

Колку и да се обидуваме да не правиме отпад со храна, некогаш немаме избор освен да фрлиме нешто.

Ова најчесто се случува кога ќе исечеме повеќе овошје или зеленчук од планираното. Кога се исечени, овошјето и зеленчукот не траат ни еден ден, па не ни останува ништо друго освен да ги фрлиме.

Но, со некои трикови можете да им го продолжите рокот на одредени овошја и зеленчуци, дури и откако ќе ги пресечете.

Неколку вакви трикови во продолжение:

Измијте го грозјето со вода и оцет

Оцетот ќе ги отстрани сите штетни пестициди доколку грозјето е прскано, но и ќе ги уништи микроорганизмите на него, а со тоа ќе му го продолжи рокот на траење.

Во длабок сад ставете 1/4 шолја оцет, додајте вода и покиснете го грозјето, па оставете го да отстои 10-тина минути.

Потоа исплакнете го само со вода и оставете го да се исуши на хартиен бришач.

Штом ќе се исуши, ставете го во пластична кутија, врз него ставете хартиен бришач и добро затворете ја кутијата, па складирајте го во фрижидер.

Завиткајте го пречесниот домат во најлонска фолија

Ако ви остане половина домат, не мора да го фрлате.

Само завиткајте го најлонска фолија и ставете го во чинија со пресечниот дел свртен надолу.

Потоа најдобро е да го чувате во фрижидер.

Чувајте ги пресечените јаболка во сад со вода

За да го спречите потемнувањето на пресечените јаболка, ставете ги во сад со вода.

Врз нив ставете и хартиен бришач кој ќе им нуди заштита од горната страна.

Водата ќе го спречи процесот што ги потемнува јаболката и тие ќе бидат свежи подолго.

Завиткајте го врвот на бананите со најлонска фолија

Бананите можат да овенат многу брзо, но можете да им го продолжите рокот ако има ставете најлонска фолија на врвот, како на фотографијата десно.

Уште четири трикови на следната страница...