На гости кај Маги Медичи: Стан во Скопје со ретро современа естетика и готски призвук (фото)

Детали

сабота, 28 септември 2024

„Во мојот дом ве пречекуваат топли, кремасто-жолти ѕидови, кои рефлектираат светлина и создаваат привлечна атмосфера со големите прозорци со полутранспарентни ленени завеси. Бојата на ѕидовите ја правев специјално“, споделува шминкерката Маги Медичи за CRNOBELO.com.

Маги Медичи е професионален шминкер и медицински козметолог, како примарна професија.

Низ годините работеше како моден стилист – моден уредник во магазинот „Убавина и Здравје“ и соработник на „Академија за дипломатски протокол“ Скопје, каде ги држи обуките за деловна шминка.

Маги живее во стан од 60m2 во Скопје, кој е навистина уникатно уреден, со внимание на секој детаљ.

За уредувањето на нејзиниот дом таа споделува за CRNOBELO.com:

„Добредојдовте во мојот персонализиран спој на ретро современ дизајн и елегантни готски детали.

Уредувањето на овој наш прекрасен простор, го направивме сами со партнерот, затоа што конкретно јас имам специфична замисла, па мачно е некој да ми ги исполни очекувањата и да ми го долови вкусот.

Обожавам детали и украси и тоа, секако, мора да се вклопи со целата идеја за идеален дом.

Важно ми е живеалиштето да ми има личен белег и мој потпис за да го чувствувам блиско.

Кога влегувате внатре, ве пречекуваат топли, кремасто-жолти ѕидови, кои рефлектираат светлина и создаваат привлечна атмосфера, што преплавува низ големите прозорци со полутранспарентни ленени завеси.

Бојата на ѕидовите ја правев специјално, за да додаде светлина на просторот, секогаш кога ќе допре сонце до него.

Домот се развива како приказна, секоја просторија е уникатно поглавје исполнето со карактер.

Како што влегувате, внимателно одбраните уметнички дела ви нудат спокој преку спој на минатото и сегашноста.

Природната светлина тече слободно, фрлајќи разиграни сенки кои го подобруваат еклектичниот декор.

Просторот има допир на ретро шмек, а навестувањето на готска романса се забележува во украсените златести огледала, избраните готски свеќници и акцентите на темно дрво во трпезаријата, со зелени столици за топла комбинација.

Внимателно одбраните модерни уметнички слики беспрекорно се вклопуваат со другите модерни елементи за хармонично, современо чувство.

Секако дека и мојата опседнатост со свеќи и свеќници е доста забележлива (ха-ха).

Продолжува на следната страница...