10 славни дами кои се шминкаат сами

Дали е возможно да не се препуштите во раце на професионални визажисти, а сеедно да изгледате беспрекорно, дури и на црвениот тепих?

За многу познати жени, шминкањето е нешто кое отсекогаш го правеле самите, па никогаш не ни побарале помош од професиналци. А, на овие десет славни дами не само што не им треба никаква помош, туку и за дел од најважните настани во животот се нашминкале самите.

Најпрво, мора да се присетиме на војвотката од Кембриџ. Имено, Кејт Мидлтон толку добро ракува со шминката, што дури и за сопствената венчавка се разубавела сама. И навистина изгледаше совршено, а свадбениот мејкап ги преживеа многубројните позирања и поздравувања, како и сите временски услови.

Меѓу нив е и глумицата Кејт Хадсон, која дури и се пошегува во едно интервју, дека доколку ѝ пропадне актерската кариера, секогаш може да работи како визажистка. А, со нејзе веројатно би се сложила и латино дивата Шакира, која исто така се шминка сама, бидејќи, како што вели, „добра е во тоа, брза и евтина“.

Глумицата Скарлет Јохансон, пак, услуга од визажисти бара само за најголемите настани и случувања, а во безброј случаи, снимена е со совршена „домашна“ шминка. Од друга страна, нејзината колешка Луси Лиу, со задоволство дели и совети за убавина на тема - шминка. Во чантичката секогаш носи течен туш  и моливче за очи, а во едно интервју и го сподели советот кој често ја „спасува“. „Течниот туш за очи го носам дење, а навечер само ја исцртувам внатрешната линија на долниот капак“ – открива глумицата.

Софија Буш тврди дека за да се нашминка ѝ е потребно само пет минути време, а самата се средува и за црвениот килим, бидејќи таквите работи ја забавуваат. Целата приказна околу шминкањето, поприлично ја поедностави модната икона Оливија Палермо, која во неможност да пронајде идеална нијанса на кармин за усни, едноставно не става ништо.

А, кои се и преостанатите славни дами на кои не им е потребен шминкер, ви откриваме со листата во продолжение:

1. Блејк Лајвли

2. Софија Буш

3. Дајен Кругер

4. Кејт Мидлтон

5. Кејт Хадсон

6. Оливија Палермо

7. Скарлет Јохансон

8. Кејт Винслет

9. Шакира

10. Луси Лиу

М. А. | Црнобело