Летен тренд: Коса во боја на мандарина
Во пресрет на новото годишно време, сите посакуваат коса во нијанса на сочната овошка.
Летото е најдобро време за експериментирање со косата, како со нејзината должина, така и со бојата. Тоа е и идеално доба за конечно да се одважите на жарките или несекојдневни бои, кои отсекогаш сте сакале да ги испробате, но сте немале доволно храброст да го направите тој чекор.
А, ако баш и не сте спремни за розова или небесно сина коса, тогаш новиот тренд е најдобриот избор за вас, а според експертите за убавина – ќе биде вистински хит на летото.
Најновиот тренд е коса во боја на мандарина, односно светло портокалова нијанса, а баш како и сочното овошје, оваа боја ќе го освежи вашиот летен изглед. Наменета им е на сите девојки кои сакаат да експериментираат и испробуваат потполно поинакви нешта.
Воедно, по шарено бојадисаните коси инспирирани од еднорозите и тоновите на виножитото, конечно на сцена се враќа фарбањето на косата во само една боја. Сепак, оваа, речиси неонска нијанса, супер се комбинира со руси и црвени прамени, па слободно може да си поиграте со цела палета од бои на главата. Од друга страна, може да додадете и само неколку суптилни „мандарина“ прамени на својата природна коса.
Сè зависи од вашите желби и мечти, а ако ви недостасува инспирација, на Инстаграм ја има во изболие. Бојата на мандарина е исклучително популарна на социјалната мрежа, од каде и се разви трендот и прошири низ интернетот, а повеќето блогерки за мода и убавина веќе ја бојадисаа својата коса токму во оваа нијанса.
Без оглед на тоа дали ќе се одлучите да ја бојадисате целата коса, да извлечете само неколку или еден прамен, или, пак, да ја вклучите бојата на мандарина на било кој друг начин во вашата фризура – нема да погрешите.
Ова лето, впуштете се во нешто ново и поинакво.
Од галеријата во продолжение, пронајдете инспирација плус за вашиот нов изглед:
М. А. | Црнобело
Би можело да ве интересира:
Препорачуваме
Најчитани неделава
