Мозолчиња на грбот: 5 Причини за нивна појава и како да ги излечите

Мозолките на грбот можат да направат да се чувствуваме несигурно во сопствената кожа секој пат кога одиме на одмор, затоа време е да им ставите крај.

За среќа, со едноставни промени во вашите секојдневни рутини мозолките ќе станат минато, а нежната и мека кожа на грбот со гордост ќе ја покажувате.

5-те најчести причини за појава на мозолките се токму овие:

1. Производи кои ги затвораат порите

Млеката за тело, маслата за масажа и кремите за сончање можат да бидат причинители за појавата на мозолки на грбот.

Решение: Против сончевите зраци употребувајте креми кои не се премногу мрсни и кои брзо се сушат. Во текот на летото подобро е да користите лосиони наместо креми за тело, бидејќи содржат помалку масла, а сепак ја хидрираат кожата.

Ако обожувате масажи, замолете ја масерката да користи лосион или гел за третманот.

2. Облека која ја иритира кожата

Ова особено се однесува на облеката во која вежбате. Ако вежбате во облека од синтетички материјали, постојат поголеми шанси за појава на мозолки.

Решение: За вежбање одберете памучна облека.

3. Генетски фактор

Ако и другите членови во вашето семејство имаат проблем со мозолки, големи се шансите да ги имате и вие.

Решение: Користете средство за туширање кое содржи бензил пероксид кое ги уништува мозолките.

4. Исхрана

Тоа што е добро за вашето срце, добро е и за кожата. Кожата е огледало на состојките кои секојдневно ги внесувате во организмот.

Решение: Избегнувајте ја брзата храна и другите видови на нездрава храна. Вашата исхрана треба да биде богата со овошје и зеленчук.

5. Нега на кожата на грбот

Оние кои не ја негуваат кожата имаат повеќе проблеми отколку другите. За да им ставите крај на мозолките, морате да го негувате грбот исто како и лицето.

Решение: 2 до 3 пати неделно направете пилинг на целиот грб, по можност со морска сол. Кожата потоа ќе биде нежна и мека, а сите останати препарати кои ги нанесувате мора да бидат прилагодени за мешана кожа.