Како да ја изберете идеалната маскара?

Што се однесува до женската популација, трепките никогаш не се доволно долги, густи и црни. Поради овој факт, козметичката индустрија секоја сезона  на пазарот промовира десетици маскари кои лесно го пронаоѓаат својот пат до женските срца и нивните паричници.

Најголемиот дел од жените ќе се согласат дека маскарата е најважниот дел од нивната шминка, таа со само еден потег прави окото да делува поголемо а погледот подлабок. Иако навидум сите маскари се исти, важно е да ја изберете вистинската за да го искористите нејзиниот потенцијал до максимум.

Се што треба да знаете за да ја изберете идеалната маската:

Црна или во боја?

Црната маската е најчестиот избор на сите жени зошто во исто време успешно го нагласува обликот на окото и ги истакнува трепките. Доколку се решите да експериментирате со маскара во боја, имајте предвид дека виолетовата боја им прилега на сите, маскарата во сина или зелена боја најдобро им стои на бринетите, додека кафеавата маскара е наменета за русокосите.

Волумен, виктање или издолжување?

Најчесто самото име на маскарата кажува за што е наменета. Освен името, изгледот на четката ќе ви открие каков ефект ќе има маскарата врз вашите трепки - заоблената четка е наменета за виткање, густи „бушави“ четки вообичаено имаат волуменозните маскари, додека тенката четка со ретки влакненца се користи за издолжување.

Водоотпорна или не?

Како што кажува името, водоотпорната маскара има специфична формула која тешко се вади, па ќе ви биде потребно посебно средство за отстранување. Поради тоа што многу потешко се вади од обичната маскара, користете ја само во посебни прилики.