Идеи за живописни бидермаери ако вашата свадба е во есен

Рози во комбинација со суви цветови, трева во повеќе нијанси, далии, хризантеми... Направете одличен есенски бидермаер кој ќе ви остави трајни спомени.

Со живописните бои насекаде околу вас, есента е сезона која воопшто не е здодевна за свадбени фотки.

Покрај тоа што есенските нијанси може да ги вметнете во декорациите на вашата свадбена веселба, може да ги комбинирате и во вашиот бидермаер.

Нијанси на портокалово, праска, бела боја, комбинација од свежи и суви цветови, надополнето со трева во повеќе нијанси – изборот е голем.

Погледнете ги следниве идеи за бидермаери за есенска свадба, кои може да ви послужат како инспирација:

Ретро микс

Овој бидермаер главно се состои од рози, а потоа може да го надополните со исушени цветови и трева во различни нијанси.

Бидермаер со далии

Овој бидермаер главно се состои од далии, а потоа може да додадете различни стебла или сува трева во различни нијанси.

Бидермаер со рози и орхидеи

Нескротлив и многу женствен, овој бидермаер од рози во комбинација со орхидеи ќе ви го одземе здивот. Надополнете по желба со сува трева и ливчиња.

Акцент на портокалови нијанси

Овој бидермаер главно е составен од цвеќиња во нијанси на праска и портокалова боја. Контрастот со белиот невестински фустан од чипка изгледа фантастично.

Бидермаер со хризантеми

Ставете акцент на хризантемите кои се типично есенско цвеќе и изберете ја нијансата која ви се допаѓа. Потоа надополнете со рози, суви цветови, сува трева…

Акцент на суво цвеќе

Изберете суво цвеќе во монохроматски нијанси кои одлично ќе се вклопат во есенската венчавка.

Бидермаер со пампас

Ако се одлучите за бохо-венчавка, тогаш дефинитивно не може да поминете без бидермаер со пампас, кој најдобро одговара во комбинација со нежни рози. 

М. Ѓ. | Црнобело