Комбинации на бои кои ќе ја направат совршена вашата есенска свадба

Есента со себе носи многу промени и нови почетоци, а ако сте од оние парови кои одлучиле да зачекорат во брачните води токму во овие месеци, погледнете предлог-комбинации на бои за декорирање кои ќе ви остават спомени за паметење.

Многу парови одлучуваат судбоносното „да“ да го изговорат во есенските месеци, пред сè поради тоа што времето не е премногу жешко.

Месец септември го означува и преминот од лето кон есен, а сето тоа ви дава можност да експериментирате со различни бои, притоа комбинирајќи потешки тонови, со нежни нијанси.

Во продолжение погледнете неколку комбинации на бои кои се одлични ако планирате венчавка во месец септември:

Нијанси на виолетово

Посветлите нијанси на виолетова, како лаванда или јоргован, ќе ви создадат одлична заднина за да ги направите незаборавни свадбените моменти.

Подлабоките тонови, пак, како нијанса на слива или модар патлиџан, повеќе би одговарале за крајот на месец септември.

Бургунди и портокалова

Во средината или кон крајот на месец септември, листовите почнуваат да ја менуваат својата боја. Па, ако организирате свадба во овој месец, есенската палета на бои со длабоки тонови ќе ви даде одличен изглед.

Бургунди бојата најчесто се поврзува со љубов и страст, што ја прави совршен избор за свадбена прослава.

Од друга страна, портокаловата боја често се поврзува со топлина, пријателство и ентузијазам, а сето тоа ќе го истакнете во таа значајна пригода.

Сина, зеленкаста и бела

Ако не сакате некои „потешки“ есенски нијанси, тогаш можеби ова ќе биде вашиот вистински избор. Со оваа комбинација на бои ќе создадете топла и привлечна атмосфера.

Темноцрвена, темносина, розова нијанса, крем нијанса и жолта

Оваа комбинација има нагласени есенски нијанси, а рамнотежата ја одржуваат полесните бои кои даваат префинетост на вашиот најзначаен ден.

Килибар, смарагд, коњак, боја на лушпа од јајце и црна

Црно-белото е класичен спој што може да се користи во секое време од годината, а со додавање на килибар, коњак и смарагд, на вашиот голем ден ќе му дадете уникатен есенски пресврт.

Розова нијанса, портокалово-кафеава нијанса, боја на мандарина, крем нијанса и црна

Со оглед на тоа што септември означува и премин од лето кон есен, со комбинација на понежни тонови со посмели нијанси, ќе го балансирате целиот изглед на вашата венчавка.

М. Ѓ. | Црнобело