Пејзажот е формиран пред милиони години - 10 факти за волшебната Кападокија
Кападокија се наоѓа на надморска височина од над 1.000 метри, а нејзиниот пејзаж бил формиран од ерозија по вулканска ерупција – неколку забавни факти за можеби најпопуларната туристичка атракција во Турција кои веројатно не сте ги знаеле.
Во срцето на Анадолија, Турција, лежи историски предел кој со години непрекинато ги воодушевува посетителите ширум целиот свет. Станува збор за Кападокија, една од најпознатите туристички дестинации во Турција, површина полна со необични карпести формации, кули и врвови кои се издигнуваат кон небото, а подолу, полна со прекрасни и мистериозни подземни градови.
Не е ни малку чудно што оваа област ја посетуваат околу два и пол милиони туристи од целиот свет на годишно ниво. Патници кои некогаш патувале низ овој регион, ја опишале Кападокија како „Прекрасната земја со разнобојни карпи“ и како „Земјата од 20.000 пирамиди“.
Кападокија е именувана по иранскиот народ на Кападокијците. За првпат се споменува во 6 век п.н.е., во големи тријазични натписи од двајца персиски владетели, Дариј Велики и Ксеркс I. Пред да стане персиска провинција, Кападокија речиси и да не постоела на Земјата.
За неа не постојат записи, цртежи, па дури ни легенди, единствено современи научни истражувања кои откриле кога и како се формирале овие мистериозни пејзажи.
Во продолжение ви наведуваме 10 факти за оваа волшебна област кои со сигурност ќе ве изненадат:
Пред околу 60 милиони години, серија вулкански ерупции ја потресле анадолската област, формирајќи ја прекрасната Кападокија.
Пејзажот на Кападокија бил формиран од ерозија на лавата и пепелот од ерупцијата.
Густиот пепел и лавата се зацврстиле во меки карпи. Во период од милиони години, карпите еродирале од ветер и дожд, создавајќи ги „самовилските оџаци“ кои ги гледаме денеска.
Кападокија се наоѓа на надморска височина од над 1.000 метри, пресекувајќи низ три анадолски провинции - Невшехир, Кајсери и Нигде.
Името Кападокија потекнува од персискиот збор „катпатука“, што на персиски значи „земја на убави коњи“.
Во античко време, овој регион особено бил познат токму поради нив. Коњите се сè уште важни за локалното население на Кападокија и тие исто така нудат алтернативен начин на транспорт за посетителите.
Постојат голем број подземни градови во Кападокија, а некои од нив се поврзани со мрежа на тунели.
Овие подземни населби биле овозможени благодарение на одржливоста на меките карпи. Повеќето од нив се отворени за посетителите, а пак голем дел од земјиштето во Кападокија е под приватна сопственост.
Продолжува на следната страница...
Би можело да ве интересира:
Препорачуваме
Најчитани неделава
