Витамини за убава,здрава кожа

Доколку дневната доза на витамини не ја внесувате со консумирање на доволна количина овошје и зеленчук, на располагање ви стојат бројни козметички препарати.

Витамините одамна се познати како исклучително важни борци за убава и здрава кожа. Затоа, доколку дневната доза не ја внесувате со храна, тука се козметичките препарати да ви помогнат.

Тие во својата формула содржат барем еден од четирите витамини за кожата, кои решаваат многу неправилности, но и сериозни воспалувања.

Витамин A – заштитник на надворешниот слој

Се добива од бета каротен и делува како антиоксиданс. Освен што служи за одржување и обновување на ткивото на кожата, витаминот А ги намалува брчките и ги контролира акните.

Б комплекс – пријатели на кожата и косата

Содржи комбинација на многу витамини од кои најважаен е провитаминот Б5. Со години се користи во производите за нега на коса затоа што ја зголмува влагата во влакното и ја подобрува еластичноста. Содржи пантенол кој во горниот слој на кожата ја привлекува водата, па така помага при влажнењето и омекнувањето на косата. Пантенолот помага и при регенерацијата на кожата, а успешен е и во борбата против акни.

Витамин Ц – штити од воспаленија

Тој содржи Л-аскорбинска киселина која е најактивниот облик на витаминот Ц. Во клиничките студии е утврдено дека делува како антиоксиданс и анти воспалителен агенс. Кога се применува по изложување на УВ зраци, витаминот Ц го намлува црвенилото и до 50% побргу одошто би се намалило без негова примена. Ја стимулира синтезата на колаген така што при локална примена ги намалува брчките. Исто така е добар одбрамбен механизам за темна пигментација на кожата, што го прави идеален составен дел во призводите наменети за заздравување на рани.

Витамин E – омекнува и влажни

Често се опишува како заштитник на кожата. Составен дел е на многу креми за сончање поради заштитата која ја дава на високи температури. Ја задржува природната влага и ги неутрализира штетните слободни радикали. Со тоа ја намалува можноста за појава на брчки и и помага на кожата да изгледа помладо. При редовна употреба на козметика базирана на Витамин Е, кожата станува мека, мазна и хидратизирана.