Совршен мејкап за усни

Елегантно повлечената линија на работ на усните може драматично да го трансформира изгледот на лицето. Затоа, повлечете ја и оставете трага во...

 

...својата околина. Постојаната и прецизна шминка на усните е полесно да се постигне со моливче за усни отколку со кармин.

За тоа ви се потребни моливчиња во 2-3 слични нијанси, хидратантна крема и проѕирен сјај. По нанесувањето на хидратантната крема, усните треба да се стават во “рамка” внимавајќи на симетријата.

Моливчето секогаш нанесувајте го од средниот дел на усната спрема работ. Со тоа ќе ги исправите евентуалните неправилности и асиметричноста, ќе го нагласите обликот и ќе го спречите забрзаното бришење и размачкување.

Доколку сакате да ги направите усните поголеми, немојте во тоа да претерувата затоа што ќе постигнете контра ефект. Сенчањето на усните со моливче со потемна боја од онаа околу усните успешно ќе го нагласите волуменот. За крај намачкајте ги со проѕирен сјај.

Еднакво важно е дека изразено моливче околу усните веќе одамна не е во мода. На љубителките на кармини, животот ќе им го олесни моливчето за усни во иста нијанса со карминот со кое ќе игрираат постојана основа и “рамка” за нанесување на кармин.

Пред да употребите било моливче за усни или за очи, немојте да заборавите на неколку претходни чекори кои ќе ви ја олеснат “калиграфската работа”.

• На лицето нанесете хидратантна, а на очите специјализирана крема за нега на пределот околу очите. Така ќе поставите квалитетна подлога која нема да биде премногу мрсна за исцртување.
• За моливчето да ви “лизга” по лицето, пред апликацијата загрејте го на дланката.
• Нанесувањето ќе биде многу попрецизно ако моливчето има наострен врв, но внимавајте да не претерате и да се повредите.
• Доколку се случи да згрешите, грешката најлесно ќе ја отстраните со стапчиња за уши и лосин за вадење на шминка.
• Ако сакате да ја фиксирате шминката на усните и да и’ го продолжите векот на траење, по моливчето нанесете пудра во прав.