9 сигурни начини како омилените чевли да не ви предизвикуваат болка

Без разлика дали сте маж или жена, новите чевли се најголемата болка која некогаш сте ја искусиле.

Следен пат кога ќе сакате да ги облечете прекрасните чевли кои одлично ви стојат со фустанот или оделото, а се сомневате дека ќе ве повредуваат до крајот на денот, применете некое од следниве 9 решенија:

1. Фластери

Ова е најдобро познатиот метод и им се препорачува на жените кои имаат проблем при носење високи потпетици. Само залепете еден фластер на местото каде чувствувате болка или бодеж и ослободени сте од плускавци и рани со време.

2. Бебешка пудра

Пудрата го спречува триењето на ногата со внатрешноста на чевлите, па ако не носите чорапи, ова е идеално решение.

3. Дебели чорапи + топлина

Ова е идеален начин да ги раширите тесните чевли. Облечете дебели чорапи, чевлите загрејте ги со фен и облечете ги. Убаво разгазете и повторете ја постапката ако е потребно. Решението е посебно препорачливо за чевли од чиста кожа.

4. Стик или рол-он

Уште еден производ кој го спречува триењето на ногата и нејзиното потење. Нанесете стик или рол-он со свеж мирис околу прстите ако сте склони на нивно триење заради што добивате плускавци.

5. Силиконски влошки

Ако ви треба зацврстување на чевлите за ногата и поголема стабилност, само ставете ортопедски силиконски влошки и проблемот е решен.

6. Мраз

Уште еден добро познат начин да ги раширите обувките од меки материјали. Наполнете ги со вода и оставете ги во замрзнувач преку ноќ. Чевлите ќе се рашират со самото тоа што водата се претвора во мраз.

7. Алкохол и хартија

Истиот ефект ќе го постигнете и ако ги испрскате чевлите со чист алкохол и ги наполните со хартија колку повеќе можете. Оставете ги преку ноќ да се исушат, па потоа облечете ги.

8. Хидратантна крема

Оваа техника е идеална за кожни чевли. Премачкајте го внатрешниот дел со хидратантна крема и потоа наполнете ги чевлите со меки крпи. Оставете да отстојат неколку часа.

9. Компири

Овој трик ќе ви ги рашири сите тесни патики. Исчистете еден компир и оставете го во патиката преку ноќ.

М. Д. | Црнобело