Направи сама: Здолниште од тул

Можеби отсекогаш сте го посакувале добро познатото здолниште од тул на Кери Бредшо, но никогаш не сте имале можност да го имате и вие лично во својот гардеробер.

Дополнителен плус на модниот изглед на оваа икона е што овој тип на здолниште пред неколку сезони повторно се врати во мода, па ако сакате и вие здолниште од тул нема потреба да се грижите. Многу лесно сами можете да го направите.

Што ви е потребно?

• Тул
• Шема за кроење
• Ножици
• Ластик
• Конец
• Игли

Целиот процес започнува со подготовката на Шемата за кроење која треба да се согласува со вашите лични мерки. Потребно е да ја направите во облик на крофна. За тоа ќе ви биде потребна поголема хартија која ќе можете да ја поделите на четвртини.

Ширината на хартијата треба да биде еднаква со висината на здолништето кое сакате да го направите.

Измерете ја широчината на вашата половина. Поделете ја со 6.28. Добиениот резултат ќе го претставува внатрешниот круг. Ставете го метрото на крајот каде се превиткува хартијата и со кружно движење означете ја мерката од добиениот резултат.

Потоа со истото кружно движење означете го и крајот на здолништето. Добиената шема изгледа вака:

Погледнете како изгледа остатокот од подготовката на здолништето: