5 начини за безболно одење на високи потпетици

Тие се неизоставен дел од речиси секоја модна комбинација на жените за кои се подготвени да ја издржат секоја болка само за да изгледаат убаво.

Понекогаш знае да биде неподнослива и да ве натера да ги фрлите или да се колнете дека веќе никогаш нема да ги облечете. Но, сето тоа трае само до следниот ден.

Сепак, постојат неколку начини за да се справите со болката на стапалата.

1. Еден клучен проблем се тенките потпетици кои удираат на една точка во стапалото која ја предизвикува сета болка, особено по повеќечасовно стоење или одење. Решението е таквите потпетици да ги носите само ако треба да се задржите на нив максимум 2 часа. Ако знаете дека ќе ви треба повеќе време, облечете чевли со подебела блок потпетица.

2. Важно е да одбирате чевли со платформа која го подигнува нивото на предниот дел од стапалото и прави подобар баланс. Зависно од трендот, одберете ја и нивната дебелина, но не го измачувајте стапалото.

3. Доколку можете, секогаш одбирајте чевли со затворени прсти. Така, ќе го избегнете напорот на стегање, раните и отоците кои се јавуваат кога прстите се отворени или покриени само со ремчиња.

4. Преоблекувањето други чевли е како замена за претходните во кои сте поминале долго време е подобро решение од грешката што најчесто се прави со босите стапала. На тој начин стапалото се опушта, се шири и отекува, па скоро е невозможно по некое време повторно да ги облечете истите чевли.

5. Едно од најважните правила при одењето на високи потпетици е префрлањето на тежината од телото на прстите. На тој начин, напорот од петите се распоредува на целото стапало.