Хеланки и уште 7 модни парчиња кои мајките со стил не треба да ги носат во училиштето на децата

Облека со длабоко деколте, проѕирни и разголени делови на телото, тренерки и штикли во кои едвај се движите се големо модно промашување за посета на училиштето на вашето дете... 

Се ближи 1-ви (односно 2) септември, а со тоа и првиот школски ден, приредби, родителски средби и други посети на училиштето од страна на мајките (и татковците).

Но, покрај многуте грижи, обврски и активности поврзани со училиштето, тука е и впечатокот кој ќе го оставите кај наставниците, другите родители и соучениците на детето.

Иако можеби мислите дека воопшто не е важно како сте облечени, сепак треба да внимавате на облеката, а посебно се фокусираме на жените. 

Нема да навлегуваме во тоа што треба да носите, бидејќи секој си има свој стил, но сепак постојат некои парчиња кои треба да ги избегнувате за официјална посета на училиштето на вашето дете.

Погледнете кои парчиња облека да ги избегнувате, за да оставите впечаток на пристојна и стилска мајка, а не без вкус:

Фустаните од чипка, со корсет, како и мини фустаните, оставете ги за друга прилика

Дречливи парчиња облека кои оставаат впечаток како да сте дошле од забава

Превисоки штикли (во кои едвај одите и изгледате смешно)

Тренерки и хеланки кои делуваат како да не се грижите што сте дошле во училиште, туку како да одите на прошетка

Облеката со длабоко деколте не е соодветна за школски средби

Проѕирни парчиња облека се премногу провокативни за посета на училиште

Премногу шарени парчиња облека кои делуваат несериозно

Кроп-топ со гол стомак и парчиња облека со разголен грб се големо НЕ

М. М. | Црнобело