10 начини на кои самите (непотребно) си го отежнувате бракот

Мора постојано да сте во право

Нема личност која секогаш е во право – кога-тогаш сите ќе направиме грешка.

Ова важи и за вас, без разлика колку ви е тешко да го прифатите.

Кога партнерот ќе ви рече дека грешите за нешто, за миг погледнете ја ситуацијата од негова перспектива и добро размислете дали можеби е во право.

Не работите на комуникацијата

Партнерот не може да ги чита вашите мисли, што значи не може да очекувате да знае што сакате или не сакате.

Залудно изгледате гневно или пререкувате нешто надевајќи се дека партнерот ќе сфати што ве мачи.

Бидете директни и споделувајте ги вашите потреби.

Одбивате да се извините

И вие и партнерот ќе правите грешки во бракот, тоа е неизбежно.

Но, она што е важно е да си ги признаете грешките и да се извините.

Во спротивно, само ќе го влошувате односот меѓу вас.

Премногу се грижите за партнерот

Нормално, треба да бидете загрижени за потребите на партнерот и неговите емоции, но не претерувајте.

Немојте да се однесувате како да сте му родител и постојано да го прашувате како е, дали му треба нешто и слично.

Се однесувате незрело

Ако се пронајдовте во сите точки досега, слободно може да се каже дека настојувате да се однесувате незрело.

Што побрзо поработите на овие недостатоци кај вас, толку побрзо ќе ги решите проблемите во бракот и ќе бидете среќни.

Спирова С. | Црнобело