Askmen вели: И тоа како е. Ова е една од најчесто кажуваните лаги во врска. Но, жените кои биле повредувани ја користат оваа реченица како емотивна одбрана. На пример, ако дечкото и` го заборави роденденот, ја нарече со името на бившата или направи некоја од сличните мали грешки што мажите ги правата секојдневно, девојката ќе се налути. Тие мислат на тоа, дозволувајќи грижите да ги избледат чусвтвата.

Или: Можеби некогаш е точно, велиме дека не сме лути за да ја преџвакаме ситуацијата која нè налутила, но многу често кога некоја девојка ќе каже „Не сум лута“, значи дека навистина не е! И дури и кога сме лути, не значи дека нашите грижи ќе ги избледат чувствата во врската. Најдобриот начин да проверите за што навистина се работи е искрена и отворена комуникација. Но јасно е дека мажите кои мислат дека заборавање на роденденот и нарекување со името на бившата се неважни ситници немаат вистински чувства за својата партнерка.

Askmen вели: Ако девојката е слободна и барем малку заинтересирана, таа секако ќе најде време да се гледа со вас. Толку е едноставно.

Или: Можеби. Но, да се излезе на состанок неколку пати и да се има врска се две различни работи. Има шанса девојката да е заинтересирана за вас, но не и за стабилна врска.

Askmen вели: Не е точно. Иако не важи за сите жени, повеќето очекуваат машкото да ја плати сметката, особено ако машкото ги поканило на состанокот. Ќе помислат дека машкото е скржаво ако не понуди да плати.

Или: Нема врска. Секоја девојка носи пари со себе затоа што очекува да го плати својот дел од сметката. Крајно несериозно е да се расправате или да анализирате околу частење. Може да почасти тој, може таа, а може и секој да плати за она што го нарачал. Навистина не е важно.

„Колку беше доброооо“

Askmen вели: Ова спаѓа во широката категорија на секс лаги. Кога жените се врзуваат со мажите, тие се фокусираат на нив, често верувајќи, секогаш одново и одново, дека тој е вистинскиот. Поради оваа женска тенденција, тие на мажите им го кажуваат она што мажите сакаат да го слушнат. Затоа и лажат дека доживеале оргазам и дека сексот бил одличен.

Или: Жените доживуваат оргазам затоа што мислат дека сте им сродна душа!? Не. Жените доживуваат оргазам и коментираат „Колку беше доброоо“ кога уживале во сексот. Тоа не значи дека сакаат да се омажат со вас, а уште помалку дека би сакале да ве лажат колку било добро и да бидат со некој кој не знае да ги задоволи. Не треба да мислите дека жените не сакаат секс и дека се преправаат дека сакаат само поради вас. Тоа е смешно.