Како да разговарате со шефот во 6 „незгодни“ ситуации

Повремените несогласувања на работното место се неизбежни и со колегите и со шефовите, бидејќи со нив поминувате многу време.

Несогласувањето зависи и од самите личности, но и од стилот на комуникацијата. Сепак, постојат некои начини на кои може да реагирате и кои се прифатливи од перспектива на вработените.

Очекувања

Проверете што навистина бара од вас шефот, кои се неговите очекувања. Побарајте со примери да ви објасни што треба да биде вашиот влог за да функционирате успешно.

Поделба на задачите

Кога ќе добиете некоја задача, запишете ја. Проверете ги сите детали што треба да ги направите, како, до кога и зошто. Ова е важно бидејќи во секоја ситуација која не е јасна и може да доведе до спротивставување на интересите.

Рокови

Ако рокот за некоја задача е краток или нереален побарајте повеќе време. Со цврсти аргументи зошто е тоа невозможно да се заврши во зададениот рок, а може и да предложите најкратко време за кое реално може да ја завршите задачата.

Приоритети

Ако шефот во краток временски период ви зададе повеќе задачи, кажете му кои од тие се итни или поважни и кои ќе ги завршите. Не превртувајте со очите и не го држете бесот во себе, туку подредете си ги приоритетите. Поважно е да го завршите тоа што е навистина важно, отколку да ги прифатите сите задачи, а да не можете да постигнете.

Преспијте ја одлуката

Ако случајно излезете од колосек, прашајте се што се случило, до детали. Преспијте, па наутро повторно размислете како треба да реагирате.

Емпатија

Што е почесто можно, толку почесто пробувајте да го разберете својот надреден и позицијата која ја има во целата компанија, како и одговорноста која ја носи.

Бонус совети:

Ако со шефот имате коректен однос, помала е веројатноста дека ќе имате несогласувања.

Не доцнете, учествувајте активно на состаноците и немојте по цел ден да бидете на пауза.

Неговото мислење мора да го почитувате. Нема секогаш да се согласувате со него но тоа не значи дека треба да се расправате за секој проблем.