Фитнес мени: Исхрана за луѓе кои тренираат

Доколку напорно вежбате, а не се храните како што треба, нема да видите никакви резултати од вложениот напор. Мускулите можеби ќе ви бидат оформени, но ќе останат некаде под масните наслаги кои со години се таложеле.

Целта на тренингот е да внесувате помалку калории отколку што трошите. Најлесен начин за тоа е следниов план за исхрана.

Појадок

Свежо овошје и енергетски плочки

Најдобро е да имате лесен оброк 1 час пред да го започнете тренингот.

Свежото овошје и енергетските плочки со малку калории, масти и шеќери ќе ви ја овозможат енергијата за напорниот тренинг.

Ужина

Киви

Доволни ви се 2 кивија за ужина, затоа што оваа зелена овошка содржи најголема количина витамин Ц.

1 киви содржи 40mg витамин Ц, што е дневна доза неопходна за еден организам.

Ручек

Супер храна

Сварете парче лосос, квиноа, брокула и аспарагус, па врз нив прелијте малку маслиново масло.

Овие намирници се познати под името „супер храна“ која содржи високо ниво на антиоксиданси и е неопходна за луѓето кои се во постојано движење.

Ужина

Сос од домати и свеж зеленчук

Сварете еден домат, оставете ја густата течност да се олади, додајте сок од лимон и зачин по желба. Ако сакате лута храна, додајте чили во прав.

Послужете со свеж зеленчук исечкај на стапчиња, кој ќе го макате во сосот од домати.

Вечера

Говедско и шитаки печурки

Испечете еден филет говедско месо со малку маслиново масло и зачин, а шитаки печурките издинстајте ги со малку соја сос.

Сервирајте со свежа зелена салата.

Протеините кои се наоѓаат во говедското месо ќе ги нахранат мускулите по тренингот.