Се вљубуваат, сакаат телевизија - Интересни факти за кучињата

Можат да намирисаат страв

Можеби досега сте слушнале дека кучињата можат да почувствуваат ако се плашите од нив.

Наводно, тие го забележуваат стравот од разни фактори, но најмногу од мирисот на потта. Интересно е што неретко, во тие моменти кучињата покажуваат сочувство.

Одличен вокабулар

Кучињата можеби не можат да зборуваат, но тие можат да разликуваат над 150 зборови.

Можеби кучето нема да го сфати точното значење на зборот, но може да ја препознае интонацијата и конотацијата.

И тие се вљубуваат

Замислете, и кучињата можат да се вљубат.

Според истражување направено во Токио, мозокот на кучињата испушта окситоцин – таканаречениот хормон на љубовта.

Можат да го предвидат и времето

И за ова нема никаков научен доказ, но се верува дека кучињата можат да предвидат ако доаѓа бура.

Бидејќи во воздухот има електрицитет уште пред да почне бурата, а кучињата се хиперсензитивни, веројатно можат да ја почувствуваат неколку часа однапред.

Сакаат да гледаат телевизија

Можеби кучето нема да може да им се восхитува на боите на вашиот нов телевизор, но дефинитивно може да препознае друго куче на него.

Денес дури постојат телевизиски програми и реклами наменети за кучиња.

Не можете да ги излажете лесно

Можеби ќе успеете еднаш или двапати, но кучињата можат да почувствуваат кога некој сака да ги измами.

Во едно истражување направено во Јапонија, неколку луѓе ги лажеле кучињата дека во празна чинија има храна. После втората лага, кучињата повеќе не покажувале интерес за чинијата.

Спирова С. | Црнобело