Најубавите зоолошки градини во светот кои би сакале да ги посетите

Мислам дека не постои човек на планетава земја кој не ги сака животните или барем не чувствува некаква наклонетост спрема нив. 

Токму поради тоа сакаме да ги имаме покрај себе. Се сеќавам кога моите првпат ме одведоа во зоолошка градина, не можев да поверувам дека живите суштества што ги гледав на телевизија стојат пред мене. Во нив препознавав Дизни јунаци со кои секојдневно се дружев.

Видов лавови, слонови, жирафи, мајмуни, носорози кои зад решетките гледаа во мене. Хранев папагали и се смешкав на одењето на пингвините.

Оттогаш се појави некаква врска со животните, со тој свет што постои во склоп на нашиот. Затоа секогаш каде и да патувам ако ми дозволуваат условите гледам да посетам зоолошка градина.

Во продолжение следува листа на зоолошки градини во светот што за сите љубители на животински свет би било големо задоволство да ги посетат.

Zoologischer Garten Berlin, Берлин

Најстарата зоолошка градина во Германија (1844) има над 1.500 различни видови и 9.500 животни, а претставува најпосетената во Европа.

London Zoo, Лондон

За сите кои уживаат да шетаат низ Лондон, постои една интересна зоолошки градини, која уште во 1847 година е отворена за јавноста и се наоѓа на север од Regent's Park.

Како една од главните атракции се Галапагос желките, како и широк спектар на рептили, тигри и плажа со пингвини.

Beijing Zoo, Пекинг

Основана како приватна колекција на Qing Dynasty во 1906 година, која поседувала 12 мајмуни, 2 папагала и слеп ној, денеска претставува една од најпосетените зоолошки градини во Кина.

Пандите привлекуваат голем интерес кај посетителите, заедно со Кинескиот алигатор и Кинескиот саламандер.

Tiergarten Schönbrunn, Виена

Најстарата зоолошка градина е изградена во 17 век и тоа на просторот на дворецот Шенбрун, за време на Хабсбуршка династија.

Комбинција на историја и дивиот свет на животните, оваа зоолошка градина во Виена е дом на убавите фламинга, жирафи и цела листа на животни кои зборуваат за различноста што постои на планетата земја.

Автор: Е. Х. | Црнобело