Разделени заби и уште 7 ретки карактеристики што можеби ги имате и вие

Дали имате разделени заби или можеби сте родени со природно руса коса? Тогаш вие сте личност со уникатна карактеристика што се јавува кај многу мал број од населението.

Генетиката е навистина неверојатна и иако обично ги наследуваме особините од нашите родители, баби и дедовци, некогаш наследуваме карактеристики и од многу дамнешни предци.

Некогаш, пак, самите сме сведоци на еволуцијата – некои луѓе немаат карактеристики што ги има кај повеќето (како умници) бидејќи повеќе не ни се потребни.

Во продолжение осум ретки карактеристики што можеби ги имате и вие:

Дијастема

Терминот дијастема се однесува на разделени заби – карактеристика што некои познати личности си ја направија заштитен знак. Оваа уникатна особина ја има околу четвртина од возрасното население.

Отпечатоци на прстите

Иако сите имаме уникатни отпечатоци на прстите, кај повеќето луѓе некои форми се повторуваат. На пример, околу 65% од луѓето имаат многу искривени линии, околу 30% имаат спирали, а само 5% од луѓето имаат отпечатоци со помали криви линии.

Испакнат папок

Наводно, само 10 во 100 луѓе имаат ваква форма на папокот. Иако порано се веруваше дека формата на папокот зависи од тоа како ќе биде пресечена папочната врвка, експертите велат дека за ова се одговорни многу други фактори.

Непрекината линија на дланката

Ако имате линија која минува низ целта дланка без прекини, тогаш спаѓате во само 1,5% од населението.

Оваа карактеристика е почеста појава кај мажите и обично е наследна.

Руса коса

Со многу светла, односно природно руса коса се раѓаат само околу 5% од луѓето.

Немање умници

Бидејќи умниците повеќе не ни се потребни, луѓето веќе се раѓаат без нив. Сепак, нивниот број сè уште е мал – се верува дека од 5% до 37% од луѓето се раѓаат без умници.

Изострено сетило за вкус

Знаевте ли дека околу четвртина од населението има поизострено сетило за вкус? Причината за ова е поголемиот број рецептори за вкус на јазикот.

Подолг втор прст на стапалата

Ако вториот прст на стапалата ви е подолг од палецот, тогаш имате ретка карактеристика. Се верува дека оваа карактеристика се јавува кај 5% до 22% од луѓето.

Според научникот што ја забележал оваа карактеристика, таа е можеби остаток од нашите предци кои имале поподвижни и пофлексибилни стапала – како мајмуните.

Спирова С. | Црнобело