Шарени галаксии, волшебна поларна светлина – фотографии што ја покажуваат надреалната убавина на универзумот

Веројатно не постои личност која не чувствува барем мала доза восхит кога гледа фотографии од галаксии, ѕвезди, маглини и сè што се крие во вселената.

Иако досега научивме многу за универзумот во којшто живееме, факт е дека поголемиот дел претставува мистерија за нас. А, сигурно и оваа мистичност донекаде е одговорна за восхитот што го чувствуваме кога ќе погледнеме кон небото.

Онa што ги прави вселенските фотографи уште поневеројатни се технологијата, трпеливоста и вештините што се потребни да се направат, без разлика дали од Земјата или од нејзината орбита.

Неодамна се одржа натпревар за најдобра астрономска фотографија организирaн од непрофитната организација Save a Star. Во натпреварот учествуваа фотографии од 30 земји ширум светот кои успеале да го доловат најубавото од нашиот универзум.

Првото место му припадна на фотографот Енди Кемпбел кој е веќе добро познат во неговата област по надреалните фотографии од галаксиите и маглините.

На неговата победничка фотографија можеме да ја видиме маглината околу ѕвездата Lambda Centauri која се наоѓа во соѕвездието Кентаур.

Фотографиите за натпреварот се направени од Земјата, а за дел од нив фотографите морале да користат и телескоп.

Дел од најдобрите фотографии во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело