Страв од брада и уште 7 необични фобии кои навистина постојат

Луѓето со номофобија постојано се загрижени дека ќе останат без нивниот телефон и опсесивно го проверуваат многупати во текот на денот - самата помисла дека ќе им се испразни батеријата им создава анксиозност.

Фобијата е вид нарушување кое предизвикува нерационален страв од одредени предмети, лица или појави.

Додека сите чувствуваме страв во одредени моменти, стравот што го искусуваат луѓето со некоја фобија е многу поинтензивен и некогаш предизвикува анксиозност и панични напади.

Постојат многу причини за појава на фобија и обично таа е резултат на некое трауматично искуство. Но, за многу од почудните фобии експертите немаат точно објаснување и потребни се повеќе истражувања за да се откријат нивните корени.

Во продолжение неколку необични фобии кои навистина постојат:

Плутофобија

Плутофобијата е страв од богатство или богати луѓе. Изразот потекнува од името на римскиот бог кој владе со подземјето - Плутон - кој се сметал за најбогат и некогаш бил нарекуван и бог на богатството. 

Експертите сметаат дека оваа фобија потекнува од ниската самодоверба и мислењето дека личноста не заслужува пари или успех. Некогаш стравот се јавува и од помислата дека личноста никогаш нема да има доволно пари.

Обично луѓето со плутофобија се чувствуваат непријатно во близина на богати личности и се убедени дека се инфериорни во однос на нив бидејќи не заработуваат исти суми.

Глобофобија

Стравот од балони, односно гласната врева што ја прават кога пукаат, се нарекува глобофобија.

Имено, ова е честа фобија и повеќето луѓе без проблем се справуваат со неа, но кај некои звукот од пукање балон може да предизвика и паничен напад.

Обично оваа фобија се јавува кај децата кои подоцна ја надминуваат, но може да се појави и кај возрасни.

Линонофобија

Колку и да звучи чудно, некои луѓе се плашат од конци, јажиња, врвки и сè што е слично на нив. Обично фобијата е резултат на трауматичен настан, како врзување на рацете или нозете, а нејзиниот интензитет варира од лице до лице.

Некои луѓе само се плашат да допрат конец или нешто слично, додека други чувствуваат интензивен страв само и ако го погледнат.

Некои случаи на линонофобија биле поврзани и со генетика, па на експертите уште не им е целосно јасно од каде точно потекнува овој нерационален страв.

Погонофобија

Стравот од бради и луѓе со брада е познат како погонофобија. Луѓето кои страдаат од оваа фобија се плашат, па дури чувствуваат и анксиозност од брада.

Се верува дека најчестата причина за фобијата е трауматично искуство поврзано со личност со брада. Во поретки случаи, фобијата може да се јави и кај мажи на кои речиси воопшто не им расте брада.

Уште четири фобии на следната страница...