Малечка, царска, но и моќна – значењето на името Нина

Нина e женско име чија оригиналната форма доаѓа од машката верзија Нино. Според првата теорија, името е со асирско потекло, а означува: царска, „велика“. Името го носел основачот на асирското царство и по него е именуван градот Ниневеја.

Кога Нина празнува именден? Рамноапостолна Нина, просветителка на Грузија (335) се празнува на 27 јануари (по нов стил).

Според втората теорија, Нина има шпанско потекло и значи малечка, девојче.

Според последната теорија и нејзиното еврејско значење, Нина симболизира милост или во превод „Бог беше милостив“.

Доколку се водиме по теоријата дека Нина потекнува од хебрејскиот збор „нин“ што се преведува како „правнук“, според ова таа е и „правнука“.

Грузискиот збор „Нино“ пак, се преведува како „кралица“.

Во секој случај станува збор за моќно, женско име, па оние коишто се потпишуваат со него имаат цврст и непоколеблив карактер. Нина е име коешто потсвесно се поврзува со принципиелност, добра волја и подготвеност да направи што е можно повеќе добри дела.

Доколку и вие имате некоја „кралска“, принципиелна и моќна Нина, означете ја во коментар и посакајте ѝ убав викенд.

(О)Милена | Црнобело