Предмети за кои сигурно не знаевте дека имаат рок на траење
Шлемови
Бидејќи шлемот ја штити вашата глава, мора да бидете сигурни дека е во ред. Неретко, надворешните влијанија, како сонцето, па дури и вашата пот, можат да ја оштетат пластиката. Ако редовно го носите шлемот, добро би било да го менувате на секои две години.
Спрејови против убоди од инсекти
Ако ви се чини дека спрејот против убоди не ги спречува инсектите, тогаш веројатно му поминал рокот на траење. Ако го чувате спрејот настрана од сонце или многу ниски температури, би требало да биде во ред околу три години.
Маскара
Експертите сметаат дека треба да ја замените маскарата три месеци откако ќе ја отворите. Причината е што во неа можат да се развијат бактерии, кои потоа ќе ги нанесете на вашите очи.
Сунѓери за бањање
Сунѓерот со којшто се бањате може и да не е толку чист – на него остануваат мртви кожни клетки, а од влагата во тоалетот тој станува погодна површина за развој на бактерии. Најдобро е да го менувате сунѓерот за капење на секои 1-2 месеци.
Батерии
Најдобро е да не купувате многу батерии одеднаш, бидејќи по некое време ќе бидат бескорисни. Некои делови од батериите кородираат и со текот на времето нема да бидат исто ефикасни.
Лосиони и кремови
Кремот за лице што е отворен повеќе од 2 години нема да биде исто ефикасен како на почетокот. Истовремено, ако кремот го земате со вашите прсти, тогаш внатре оставате и бактерии. Најдобро е кремовите за лице да ги менувате на секои 6 месеци.
Спирова С. | Црнобело