Секој втор автомобил е стар 15 години, дома шетаат со чевли - Колку сме слични со Србите?

Русинка која живеела 10 години во Србија раскажува какво било нејзиното искуство и како ја доживеала земјата.

Ксенија студирала, работела и живеела во Белград 10 години, а потоа се вратила во Русија, но редовно ја посетувала Србија и откако се вратила во родната земја.

За нас, сите овие работи кои таа ги доживеала таму нема да бидат чудни, бидејќи во голем дел имаме слични навики и традиции со Србите, но за неа сепак имало некои работи кои ги доживеала за првпат.

Русинка раскажува како ја доживеала Србија, а речиси во сите работи ќе се пронајдеме и ние, иако за странците е тоа чудно:

Цвеќиња се даваат во две пригоди – прослава и погреб

Луѓето ретко имаат навика без причина да си купуваат свежи цвеќиња и букети, но цвеќарниците се преполни кога се организираат свадби. Околу гробиштата исто така може да се најдат голем број цвеќари.

Гостите може да влезат во домовите со чевли

Домаќините, но и гостите многупати слободно се шетаат низ домот со чевлите кои ги носеле надвор.

Се пушат цигари во домовите и затворени простории

Покрај во угостителските локали, на луѓето им е дозволено да пушат цигари и во домовите. Сепак, ова не е правило, бидејќи домаќините сами одлучуваат дали ќе им дозволат на гостите да пушат внатре или на балкон.

Имаат специфична кујна, а пилешкото не го сметаат за месо

Србија има разновидна кујна со посебни специјалитети. За поголем дел од Србите, пилешкото не се смета за месо, туку го споредуваат со риба. Зборот „месо“ за нив означува свинско. Други необични јадења се чварките кои личат на тутун и компотот кој се прави од сливи или други плодови.

Сите се плашат од промаја

Луѓето мислат дека провевот може да биде причина за секакви заболувања и ја гледаат како најстрашно нешто. Кога ќе ја почувствуваат, затвораат прозорци, облекуваат долни маици и врзуваат џемпери и јакни околу половината.

Продолжува на следната страна...