Зошто нè привлекуваат вознемирувачки наслови и вести?

Луѓето отсекогаш биле заинтересирани за новости и тоа е сосема нормално. Некои повеќе, некои помалку, но сите треба да бидеме информирани и свесни за тоа што се случува во нашето опкружување.

Сакаме да знаеме што се случува околу нас и постојано бараме отстапувања или необични појави и настани, бидејќи истите претставуваат потенцијална опасност.

Затоа не изненадува што насловите со вознемирувачки вести ни го привлекуваат вниманието, дури и кога знаеме дека ќе се чувствуваме лошо после тоа.

Дури и кога си ветуваме дека нема да ја прочитаме црната хроника или дека нема да обрнеме внимание на сензационалистичките наслови, честопати не можеме да си помогнеме.

Луѓето побрзо реагираат на зборови со негативна конотација како „војна“, „бомба“ и „карцином“, отколку на позитивни зборови како „насмевка“ или „забава“.

Дали некогаш сте се запрашале зошто е тоа така?

Одговорот лежи во силната потреба за самозаштита од која потекнуваат многу наши реакции, а целиот процес често се одвива на несвесно ниво.

Поточно, настаните што можат да имаат релативно негативен и заканувачки ефект врз нас обично бараат итен и непосреден одговор, или одговор со цел да се избегне опасност и да се зачува нашата благосостојба (на пример, да се избегне смрт, физичка повреда).

Негативното влијание и потенцијално опасниот стимул или настан стануваат важни информации што му сигнализираат на организмот да ја промени или прилагоди неговата моментална состојба или активност.

Ашера | Црнобело