Изјави со кои луѓето со психички проблеми прават да мислите дека проблемот е во вас

Луѓето со психички проблеми се првенствено социјални предатори. Без совест, тие се во можност да користат шарм и манипулација за да го добијат она што го сакаат од другите, било тоа да е пријателство, врска, работно место или услуга.

Тие ја менуваат својата личност и стануваат она што вие сакате да бидат. Но, кога веќе не им треба ништо од вас, тогаш започнува лудото однесување.

Еве неколку вообичаени фрази што ќе ги слушнете од психопат кој сака да се посомневате во вашиот разум:

1. „Премногу анализираш“

Се разбира, има луѓе кои прекумерно анализираат ситуации. Разликата со психопатите е тоа што секогаш, во ретроспектива, ќе сфатите дека всушност сте биле во право.

Тие намерно прават работи за да ве натераат да чувствувате параноја, а потоа ќе ве обвинат дека премногу анализирате.

2. „Мразам драма“

Сепак, набрзо ќе откриете дека нив ги опкружуваат повеќе драми од која било личност што некогаш сте ја запознале.

Психопатите прво ќе ве идеализираат и ќе ве воздигнуваат над сите други, славејќи ја вашата совршена, мирна и едноставна природа. Но, бидејќи брзо им станува досадно, ова никогаш не трае долго.

Тие се патолошки лажговци, сериски измамници и вечни жртви.

3. „Премногу си чувствителен/на“

Психопатите создаваат емоции кај другите луѓе - тоа е она што го прават најдобро. По постојаните пофалби и ласкање, тие ќе ве игнорираат неколку дена и потоа ќе ја чекаат вашата реакција.

Кога конечно ќе реагирате, ќе ве обвинат дека сте премногу чувствителни.

4. „Не ме разбираш“

Се разбира, здравите парови имаат и недоразбирања. Но, кога сте со психопат, тој намерно ќе каже работи за кои знае дека ве провоцираат. И тогаш, кога ќе реагирате, тој ќе ве обвини за недоразбирање.

Психопатот дури и ќе негира дека некогаш го кажал тоа.

5. „Ти си луд/биполарен/љубоморен/заљубен во мене"

Именувањето обично започнува кога работите ќе почнат да се влошуваат. Според психопатите, сите нивни поранешни партнери, колеги и пријатели се луди, биполарни, љубоморни или заљубени во нив.

Единствениот излез од ова е да го прекинете секој контакт. Ова значи дека нема пораки, повици, дури и пријателство на социјалните мрежи. Можете да бидете сигурни дека тие ќе сторат сé што е во нивна моќ за да ве натераат да се чувствувате луди, па најдобро е да се држите настрана.

Добрата вест е - кога психопатот се обидува да ве натера да се сомневате во вашите разум и интуиција, тоа значи дека овие нешта им прават проблеми. Односно, ги гледаат како закана и стравуваат дека ќе бидат „разоткриени“.

Ашера | Црнобело