Како секогаш да имате за што да разговарате?

Многупати се имаме најдено во ситуација кога треба да одиме на некој настан, да почнеме да размислуваме како ќе изгледаме и каков впечаток ќе оставиме пред другите. Тоа некако повеќе нè оптоварува од сè друго.

Но, речиси никогаш не ни паѓа на ум што ќе споделиме со тие луѓе и дали воопшто имаме нешто паметно да кажеме.

Искуството на сите ни вели дека кога одиме на некоја посебна средба, забава или корпоративен настан, треба и да се подготвиме. Барем да знаеме како да ги пополниме оние простори на молк, кога ниту едната, ниту другата страна знае што да каже.

Оние кои се вешти говорници, сигурно нема да имаат проблем, зошто и од најмала ситница можат да направат спектакуларна приказна.

Што се случува со оние кои несигурно им пристапуваат не странците и непознатите ситуации?

Колку и да звучи очигледно, следниот совет е доста важен за да можете да се вклопите во разговор со секоја група – слушнете вести пред да излезете од дома. Сериозно!

Информирајте се за актуелностите што кружат низ светот во последните 24 часа или опфаќаат некоја поголема временска рамка.

Информирајте се за земјотреси, урагани, урнати влади, протести, научни достигнување, штотуку излезени филмови и серии, состојбата на берзата…

Со сите овие информации ќе бидете обезбедени за целовечерен разговор или да се тргне од некаде, а потоа личните искуства и доживувања на светот доаѓаат во преден план.

Кога лесно ќе може да се приклучите во некој разговор, може да бидете сталожени дека нема да тропнете некоја глупост, која ќе направи да се чувствувате непријатно.

Од овој момент додека се подготвувате во заднина пуштете го телевизорот или радиото, или додека патувате отворете интернет портали и читајте.

Да знаеш да разговараш на ниво секогаш е поважно од сè она што се наоѓа на тебе.

Автор: Х. Е. | Црнобело