Зошто е важно да имаме ритуали?

Се чини дека нашите предци посветувале повеќе внимание и време на ритуалите, отколку што правиме денес, како да биле повеќе свесни за нив. Па така постеле, палеле огнови, ги чувале мртвите и сл.

 Иако некои ритуали полека се забораваат денес, ја чувствуваме нивната важност. Ритуалите го означуваат преминот од познатото во непознатото, во нова фаза од животот.

Сите, до одреден степен, се плашиме од промени. За полесно да се справат со нив, луѓето „измислија“ ритуали. Ритуалите ни даваат чувство на сигурност, врска помеѓу видливиот и невидливиот свет.

Благодарение на ритуалите полесно можеме да се справиме со сопствените емоции. Преку ритуалите се поврзуваме.

Различни видови ритуали

Имаме секојдневни ритуали - некој сака да запали цигара после ручек, некој наутро сака да пие кафе и сл. Некои ритуали се периодични, па се поврзани со годишните времиња и празниците. На пример, пред Велигден ќе ги фарбаме јајцата, ќе ставиме елка на Бадник и сл. 

Постојат и големи годишни ритуали, како славење на родендени и имендени. Многу често ги одбележуваме со храна, така што во некои прилики подготвуваме одредени видови храна, како јајца за Велигден, мисирка за Божиќ, торта за роденден...

Многумина ќе се сетат на големи ритуални транзиции, како свадби, крштевки, погреби. Ритуалите честопати се поврзуваат со ритуални бои и симболи. На пример, на свадби невестите главно носат бели венчаници, а на погреби се облекуваме во црна облека.

За што служат ритуалите?

Како што споменавме погоре, ритуалите се поврзани со промени во животот. Се плашиме од нив затоа што не знаеме што ни носи иднината. Промените се составен дел од животот и се случуваат, без разлика дали тоа го сакаме или не.

Добро е промените да се одбележат со ритуали. На овој начин, ќе бидеме свесни за новата сила во нашите животи и ќе ни биде полесно да се интегрираме. Па така промените ќе ги доживуваме како предизвик, а не само опасност и непријатност.

Ашера | Црнобело