4 работи што лошо влијаат на вашата продуктивност

За да ги постигнете вашите цели, неопходно е да ја одржите вашата продуктивност. Тоа е првото и основно правило за успешен и среќен живот.

Дознајте кои 4 работи лошо влијаат на вашата продуктивност и како да ги избегнете...

Работи што им се важни на другите

Прв, и секако најзастапен начин на кој ја трошите вашата енергија, со што се намалува и вашата продуктивност, е што правите работи за други луѓе. Веројатно сте го правеле ова многу пати без да бидете свесни.

Помислете само на сите оние вечери што ги поминавте на места и со луѓе кои не ви се допаѓаат, а се согласивте само затоа што „така треба“ или „ќе бидам добар пријател“.

За да избегнете вакви ситуации, поставете ги вашите цели јасно и секогаш нека ви бидат во центарот на вниманието. Следниот пат кога се прашувате дали треба да направите нешто што не сакате да го направите, помислете на овие цели.

Експертите советуваат да одберете три главни цели - лични, професионални и една фокусирана на односите со другите.

Мултитаскинг

На англиски јазик, именката мултитаскинг означува можност за извршување на повеќе задачи во исто време. Сите знаеме дека е тешко да се постигнат премногу големи цели во исто време, а истото важи и за продуктивноста.

Дури и кога добивате важна порака не мора да значи дека е поважна од она што го правите во тој момент. Само отворањето и читањето на истата ќе ви одземе неколку минути, а исто така, ќе ви ја уништи концентрацијата и фокусот.

Експертите велат дека просечното време што ви е потребно за повторно да се фокусирате на првобитната задача е 23 минути. Затоа, пред да започнете со работата, исклучете ги сите нотификации што можат да влијаат на вашата концентрација и користете паузи за да одговорите на нив.

Достапност

Колку пати сте сакале да одговорите на повик, иако сте биле среде работа, бидејќи мислевте дека некој навистина ве треба? Веројатно барем еднаш неделно.

Се разбира, понекогаш има навистина итни повици на кои треба да одговорите, но истражувањата покажаа дека 9 од 10 повици што ги примате не се многу важни.

Проблемот со достапноста е што луѓето се навикнуваат на истата. Ако ви се навистина пријатели ќе разберат кога нема да се јавите и ќе го почитуваат вашето време и обврски.

Физички изглед

Ова најмногу се однесува на жени кои посветуваат многу време на нивниот физички изглед, додека мажите генерално не размислуваат за овие работи.

Поточно, друга работа што негативно влијае на вашата продуктивност е размислувањето за вашиот физички изглед - како изгледате, дали сте облечени соодветно, дали ви е добра фризурата...?

За да се ослободите од непотребното размислување за вашиот изглед, фокусирајте се само на она што го правите.  Почитта се стекнува врз основа на вашиот труд и работа, а не вашиот изглед.

Ашера | Црнобело