Вода за пиење, текила, слободни гробни места - што може наскоро да снема од планетата?

Брзиот раст на светската популација, климатските промени, големата побарувачка на храна, производството и економската криза го ставаат светот во состојба на недостиг на одреден број на критични работи за човештвото.

Некои од овие работи, како што се водата, земјата и антибиотиците, се навистина работи без кои не можеме да преживееме, но некои се само секојдневни работи на кои сме се навикнале, а кои не се од животна важност.

Важноста да се зачувуваат ресурсите и истите да се реупотребуваат, не била никогаш поголема од сега. Веќе почнуваме насекаде да ги гледаме и чувствуваме резултатите на глобалното затоплување, а нашиот ненаситен апетит за работи може само да ја влоши ситуацијата, доколку не преземеме некои мерки.

Затоа бидете спремни да си набавите поголеми количини од работите на списокот, бидејќи ако не ги снема, тогаш сигурно ќе бидат многу скапи:

Противотров за каснување од змија

Според „Доктори без граници“, светските резерви на противотровот за 10 различни видови на афрички змии, се на многу ниско ниво, а препаратот е многу скап за да се продолжи со производство.

Чиста вода за пиење

2,8 милијарди луѓе веќе живеат со недостаток од вода, од кои речиси една милијарда немаат воопшто пристап до чиста вода за пиење. Климатските промени, зголемената побарувачка и сушите ја прават оваа ситуација уште посериозна.

Квалитетна почва

Квалитетната почва се троши побргу отколку што можеме да произведеме. Лошото менаџирање во земјоделството, диетите ориентирани кон месо, сушните периоди и неодржливото производство доведуваат до тоа многу брзо да се троши плодната почва.

Експертите велат дека имаме уште само неколку декади пред целосно да стане неупотреблив горниот дел од почвата.

Антибиотици

На здравството му се заканува недостаток од антибиотици коишто може да ги убијат бактериите отпорни на лекови. Сегашните лекови се до таа мера преупотребувани што веќе не се ефикасни, а процесот за развој на нови лекови е долг и скап за фармацевтските компании.

Сардини

Сардините отсекогаш биле кревка риба, која пати од удари. Но, сегашниот претеран риболов, промената на температурата во Тихиот Океан и намалената репродукција на рибата, го доведува опстанокот на целата популација сардини во прашање.

Продолжува на следната страна...