Островот на кој сакаат целосно да го укинат сметањето на времето

Времето е концепт кој нема смисла за жителите на овој остров, кои сакаат да ја создадат првата „слободна зона“ во светот, каде што нема да постои пресметување на времето.

На островот Сомарој, познат и како Островот на летото, помеѓу 18 мај и 26 јули, не паѓа ноќ, а имајќи предвид дека се наоѓа на север од Норвешка, во близина на Арктичкиот круг, сонцето не заоѓа.

Денот трае 69 дена, а од ноември до јануари, владее потполна темница.

Петиција за укинување на броењето на времето е доставена во градската општина, за да се дискутира за промените, кои се неопходни за укинувањето на временската зона.

Жителите веќе долго време го игнорираат концептот на времето, па не се придржуваат кон работното време во доменот на трговија и риболов, двете главни гранки во регионот.

Се надеваат дека, ако се воведе слободна зона, нема да има стриктни работни часови и дека луѓето ќе имаат флексибилно работно време.

Меѓутоа, некои жители не се сигурни како оваа промена ќе влијае на туристичкиот сектор, бидејќи би било тешко да се направи регистрација во хотелите или да се утврди работното време на баровите и рестораните.

Сепак, колку и да е чуден овој закон, тој не е единствениот чуден закон во Норвешка. Имено, во еден град не е дозволено на се умре.

На пример, во градот Лонгјербејн треба да се однесат мртвите тела од островот поради студената температура што не им дозволува на телата да се распаднат.

Ашера | Црнобело