Типови на токсични луѓе кои треба да ги избегнувате по секоја цена

Колку и да ги „филтрирате“ токсичните луѓе околу себе со цел да се поштедите од нивните игри, справувањето со нив понекогаш е неизбежно. Тие може да се многу блиски до вас, и ако не сте доволно внимателни, токсичните луѓе можат негативно да влијаат врз начинот на кој размислувате, чувствувате и се однесувате.

Дополнително, тие можат да воведат непотребен стрес и хаос во вашиот живот.Тие се луѓе кои своето задоволство го пронаоѓаат во иритирањето на луѓето околу себе.

Иако не можете да изберете кога и каде ќе ги сретнете, може да ја контролирате сопствената реакција на нивните провокации. 

Способноста да управувате со вашите чувства и да останете смирени под притисок е најдоброто оружје против вакви карактери, а ова се 8 типови на токсични луѓе кои треба да ги избегнувате по секоја цена.

Озборувач

Овој тип на токсичен човек пронаоѓа задоволство во несреќата на другите луѓе. Понекогаш несвесно се смееме на туѓите грешки и тоа донекаде е во ред, но кога го правите со намера, лесно може да повредите некого. 

Со тек на време, дружбата со ваков лик станува заморна, а реално има многу други паметни работи што може да ги правите наместо за ги озборувате туѓите несреќи.

Лутко

Некои луѓе не можат да ги контролираат своите емоции, особено на својата лутина и може да ви се налутат без никаква причина. Своите негативни чувства ги рефлектираат кон вас, мислејќи дека вие им ги предизвикувате.

Ваквите личности само ќе ве искористат да ви се истурат кога тоа ќе им биде потребно.

Жртва

Овој тип е тешко препознатлив бидејќи составен дел на секое пријателство е споделување на проблемите. Но, доволно брзо ќе сфатите дека потребни сте им постојано, дека константно некој или нешто ги прогонува и дека секогаш страдаат.

Нарцис

Не слуша и не го интересира ничие мислење, ниту пак обрнува внимание на вашето присуство. Светот е создаден за него и всушност се врти околу него.

Нема никаква смисла во ваквото пријателство - невозможно е да се развие кака било поврзаност, и нарцисот ќе ве искористи само за да ја зацврсти својата самодоверба.

Завидлив

Овие типови секогаш го сакаат она што другите го имаат и се вечно незадоволни, па дури и тогаш кога им се случува нешто убаво. Тоа е така затоа што тие секогаш сакаат повеќе и не дозволуваат никој да биде поуспешен од нив.

Манипулатор

Манипулаторите се незгодни - прво ве третираат како најдобар пријател. Ќе научат што ви се допаѓа, што ве радува и што ве смее и сето тоа поради една причина - да ви земат се што имате. Тие се љубезни бидејќи сакаат да извлечат корист од вас.

Песимист

Песимистот ќе ја исцица душата од вас. Кога тој ќе пристигне, атмосферата се замрачува и тој за кратко успева да ја наметне својата негативност и песимизам.

Песимистот сее страв и загриженост, а бидејќи научно е докажано колку негативното размислување е заразно, бегајте подалеку од овие луѓе.

Арогантен

Арогантните луѓе ги гледаат сите како нивна конкуренција. Ароганцијата ги маскира големите несигурности, па арогантен човек е исто така несигурен. 

Едно истражување покажало дека ароганцијата создава многу проблеми на работното место. Во неа се вели дека арогантните луѓе се сметаат за деструктивна сила во рамките на една организација.

Кога си имате работа со токсични луѓе, важно е да им дадете до знаење до каде може да одат со своето однесување. Утврдете ги границите и не дозволувајте им да ја преминат линијата.

A. Ш. | Црнобело