Ова е ваш живот - Не дозволувајте другите да ви прават 7 негативни работи

Вашиот живот е ваш избор, исто како и луѓето кои ќе дозволите да бидат дел од него. Заземете цврст став во однос на тоа.

Непријателски настроени луѓе со тежок карактер не ви се потребни.

Можеби немате контрола врз она како другите постапуваат, но имате целосна контрола врз тоа како вие ќе се однесувате во однос на оние кои ве повредуваат. Одлучете кого ќе оставите зад себе уште денес.

Следниве нешта никогаш не дозволувајте да ви ги прават:

Да ве вовлекуваат во караници

Не губете време во објаснување и дообјаснување со луѓе кои веќе покажале дека немаат разбирање за вас. Караниците и расправиите не се добри за вашата лична вредност, дури и кога од нив излегувате како апсолутен победник. Ниедна караница не е вредна за вашето време.

Не им дозволувајте на другите да ве трујат со негативност

Позитивноста е избор, а вие треба да избирате мудро. Оддалечете се од негативноста која ве опкружува, бидејќи не е вредна за вашето време и внимание.

Да ве малтретираат

Не дозволувајте ни физичко ни ментално насилство. И двете повредуваат. Нема ништо добро во тоа кога некој ве напаѓа. Не смеете да дозволите некој да се чувствува толку голем, за да може да биде насилен кон вас.

Неискреност од пријателите

Ако неколкупати сте ги фатиле во лаги, тогаш зошто воопшто уште се дружите со нив? Роднините не можете да ги изберете, но пријателите секако дека можете. Бидете вистински пријатели само на оние кои тоа го заслужуваат.

Не дозволувајте исти луѓе постојано да ве лажат

Ако фатите некого во лага, дајте му до знаење. Некогаш некој ќе се обиде да ве излаже повеќепати, мислејќи дека првиот пат ве надмудрил. Личноста која лаже не е добра личност. Дистанцирајте се навреме.

Да бидете искористени

Понекогаш луѓето нема да забележат што сè сте направиле за нив до моментот кога ќе престанете со тоа. Но, вие заслужувате подобро. Ви требаат луѓе со кои ќе се смеете, кои нема да ве извисат и кои не ве земаат здраво за готово.

Да ве уверуваат дека промените се лоши

Она што вие не можете да го промените, ве менува вас. Не се плашете од промените. Тие се дел од сечиј живот и се случуваат со причина. Не е секогаш лесно да ги прифатите, но секако на крајот ќе биде исплатливо.

Е. Д. | Црнобело