Зборови што треба да престанете да ги користите кога се опишувате себеси

Кога зборувате за себе, треба што повнимателно да ги избирате зборовите кои ги користите. Не поради другите, туку поради себе.

Зборовите некогаш може да не се одраз на она што го мислиме, но исто така, имаат и моќ длабоко да се врежат во умот и да го натераат да верува во нив. Истото важи кога и самите зборувате за себе.

Затоа не ги користете следниве зборови:

Осамен/а

Дури и кога така се чувствувате, било да е после раскинување, губење пријателство или смрт на блиска личност, запомнете дека не сте сами и не сте осамени. Сигурно постои барем уште една личност која ќе ви помогне да го надминете ова чувство.

Глупав/а

Ова е една од најнегативните мисли кои можете да ги имате за себе. Премногу негативност, дури и кога мислите дека ја контролирате, може да направи да почнете да верувате дека сте навистина глупави и дека е сосема нормално да правите грешки.

Мрзлив/а

Да не се лажеме, секој имал ден или фаза во која не сакал или не можел да се вложува себе како вообичаено. Потребна е само малку поголема мотивација, за мрзеливоста да премине во продуктивност.

Само...

„Јас сум само работник“ или „Јас сум само еден просечен студент“... Зборот „само“ додава негативен контекст на вашиот опис и да бидеме реални, звучи патетично.

Вие не сте само обичен човек или само обичен работник, туку напротив, во вас лежи огромен потенцијал кој допрва треба да биде виден.

Чувствителен/на

Сите сме колку-толку емотивни, но не смеете да си судите себе и да се етикетирате како чувствителна личност, особено не ако тоа го правите пред другите.

Безнадежен/на

Колку и да сте уверени дека ова е вистина, сè додека сте живи имате шанса да излезете од таквата ситуација. Учете, мотивирајте се, собирајте искуства и испратете со тоа позитивна порака на оние околу вас.

Е. Д. | Црнобело